Xiaomi 14 : आज Xiaomi चा नवीन फोन Xiaomi 14 विक्रीसाठी उपलब्ध करून देण्यात येणार आहे. आता या फोनवर तुमची हजारो रुपयांची बचत होऊ शकते. तुम्हाला या फोनवर 20 हजारांची सवलत मिळत आहे.
स्वस्तात येईल खरेदी करता
किमतीचा विचार केला तर Xiaomi 14 ची भारतात किंमत 12GB+512GB व्हेरिएंटसाठी 69,999 रुपये असून हे क्लासिक व्हाइट, जेड ग्रीन आणि मॅट ब्लॅक कलर पर्यायांमध्ये येतो. फोनची पहिली विक्री आजपासून Amazon, Flipkart, Mi.com, Mi Home स्टोअर्स आणि Xiaomi च्या रिटेल भागीदारांद्वारे खरेदीसाठी उपलब्ध आहे.
ICICI, HDFC आणि Amex बँकेच्या कार्डने खरेदी करून ग्राहकांना 5,000 रुपयांची सवलत मिळेल. Flipkart वर जुन्या फोनवर 10,000 रुपयांचा एक्सचेंज बोनस मिळत असून निवडक मॉडेल्सवर 5,000 रुपयांचा अतिरिक्त एक्सचेंज बोनस मिळेल. ऑफर्सनंतर, फोनची प्रभावी किंमत 49,999 रुपये असेल लॉन्च किंमतीपेक्षा 20,000 रुपयांनी कमी किंमतीत खरेदी करता येईल.
Xiaomi 14 सिरीजसाठी एक-वेळ विनामूल्य स्क्रीन बदलण्याची ऑफर देत असून कंपनीने नवीन सिरीज आणि अलीकडील Xiaomi फ्लॅगशिप फोनच्या खरेदीदारांसाठी Xiaomi Priority Club नावाची प्रीमियम विक्री-पश्चात सेवा जाहीर केली आहे. ग्राहकांना या योजनेअंतर्गत मोफत पिकअप आणि ड्रॉप सेवा, दोन तासांच्या दुरुस्ती कालावधीची हमी किंवा स्टँडबाय डिव्हाइस, अर्धवार्षिक तपासणी आणि कस्टम सपोर्टचा लाभ घेता येईल.
फोन ड्युअल सिम (Nano + e-SIM) सपोर्टसह येईल. Android 14 वर आधारित HyperOS इंटरफेसवर चालेल आणि नवीन फोनमध्ये 460ppi पिक्सेल घनतेसह 6.36-इंच LTPO AMOLED (1200×2670 पिक्सेल) डिस्प्ले आहे. 3000 nits पीक ब्राइटनेस, 240Hz पर्यंत टच सॅम्पलिंग रेट, 1-120Hz रिफ्रेश रेट, कोर GDR+ किंवा GDR+ ला सपोर्ट आहे.
फोनमध्ये ट्रिपल रिअर कॅमेरा सेटअप दिला असून तो Leica द्वारे Summilux लेन्ससह सह-इंजिनियर केला आहे. यात ऑप्टिकल इमेज स्टॅबिलायझेशन (OIS), f/1.6 छिद्र आणि 23mm फोकल लांबी, OIS सह 50-मेगापिक्सेल 75mm फ्लोटिंग टेलीफोटो कॅमेरा आणि 50-मेगापिक्सेलचा अल्ट्रा-वाईडसह 50-मेगापिक्सेल लाइट फ्यूजन 900 इमेज सेन्सर दिला आहे. तसेच यात 32 मेगापिक्सलचा सेल्फी कॅमेरा आहे.
फोनमध्ये 4610mAh बॅटरी आहे जी 90W वायर्ड चार्जिंग आणि 50W वायरलेस चार्जिंगला सपोर्ट करते. 90W हायपरचार्ज तंत्रज्ञान 31 मिनिटांत 0 ते 100 टक्के बॅटरी चार्ज करेल. यात 50W वायरलेस चार्जिंग मिळते जे 46 मिनिटांत 0 ते 100 टक्के बॅटरी चार्ज करते.
