युद्धादरम्यान रशियाने घेतला मोठा निर्णय; अमेरिकेवर लादली ‘ही’ मोठी बंदी
नवी दिल्ली – रशिया आणि युक्रेनमध्ये (Russia And Ukraine) गेल्या 104 दिवसांपासून युद्ध सुरू आहे आणि रशिया युक्रेनवर सतत हल्ले करत आहे, त्यामुळे अनेक शहरांची परिस्थिती बिकट झाली आहे. यासोबतच रशिया युक्रेनला पाठिंबा देणाऱ्या देशांवरही कारवाई करत आहे. रशियाने आता अमेरिकेवर (America) कारवाई केली असून रशियाच्या परराष्ट्र मंत्रालयाने 61 अमेरिकन नागरिकांवर बंदी घातली आहे.
रशियाने निर्बंध का लादले?
रशियन परराष्ट्र मंत्रालयाने सांगितले की, “रशियन राजकीय आणि सार्वजनिक व्यक्ती तसेच देशांतर्गत व्यवसायाच्या प्रतिनिधींवरील अमेरिकेच्या वाढत्या निर्बंधांना प्रतिसाद म्हणून हे पाऊल उचलले जात आहे.” यासोबतच रशियाच्या परराष्ट्रमंत्र्यांनी पाश्चिमात्य देशांना इशारा दिला आहे. युक्रेनने लांब पल्ल्याच्या रॉकेट पुरवल्यास रशिया प्रत्युत्तर देईल, असे रशियाचे परराष्ट्र मंत्री लव्हरोव्ह यांनी सांगितले.
अमेरिकेच्या अधिकाऱ्यांवर रशियाचे निर्बंध
या यादीमध्ये यूएस अधिकारी आणि मोठ्या यूएस कंपन्यांचे माजी आणि वर्तमान शीर्ष व्यवस्थापन समाविष्ट आहे. या यादीत अर्थमंत्री जेनेट येलेन, ऊर्जा मंत्री जेनिफर ग्रुनहोम, व्हाईट हाऊसच्या संप्रेषण संचालक केट बेडिंगफील्ड आणि नेटफ्लिक्सचे मुख्य कार्यकारी अधिकारी (CEO) रीड हेस्टिंग्ज यांसारख्या लोकांच्या नावांचा समावेश आहे.
ब्रिटन युक्रेनला मदत करेल
रशियासोबत सुरू असलेल्या युद्धाच्या काळात अमेरिका आणि ब्रिटनसह अनेक देशांनी युक्रेनला मदत केली आहे. आता रशियाचे अध्यक्ष व्लादिमीर पुतिन यांच्या धमकीला बगल देत ब्रिटनने पुन्हा एकदा युक्रेनला मदत जाहीर केली आहे. ब्रिटन आता युक्रेनला M270 क्षेपणास्त्र प्रणाली देणार आहे.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
रशिया-युक्रेन युद्ध 104 दिवस सुरू आहे
रशियाने 24 फेब्रुवारी रोजी युक्रेनवर हल्ला केला आणि गेल्या 104 दिवसांपासून दोन्ही देशांमधले हे महायुद्ध सुरू आहे. युक्रेनमधील अनेक शहरांमध्ये रशियन लष्करी हवाई हल्ले सुरूच आहेत, त्यानंतर युक्रेनमधील परिस्थिती अत्यंत बिकट आहे. रशियाच्या हल्ल्यानंतर युक्रेनमधील अनेक शहरे पूर्णपणे उद्ध्वस्त झाली आहेत.