Please wait..
Take a fresh look at your lifestyle.

China Business News: भारताचा चीनला मोठा झटका..! तब्बल 5,551 कोटी रुपयांचा निधी ‘जप्त’

Please wait..

नवी दिल्ली (पीटीआय) : अंमलबजावणी संचालनालयाने (ED Raid on china company) चिनी मोबाईल कंपनी (china mobile company) Xiaomi वर कडक कारवाई केली आहे. अंमलबजावणी संचालनालयाने शनिवारी सांगितले की, चिनी मोबाईल निर्माता Xiaomi इंडियाचा 5,551 कोटी रुपयांचा निधी भारतीय परकीय चलन कायद्याचे उल्लंघन केल्याबद्दल ‘जप्त’ करण्यात आला आहे. पीटीआय (PTI) या वृत्तसंस्थेच्या वृत्तानुसार, Xiaomi टेक्नॉलॉजी इंडिया प्रायव्हेट लिमिटेडवर कारवाई करण्यात आली आहे. कंपनी Xiaomi India म्हणूनही ओळखली जाते. ही कंपनी देशात एमआय ब्रँडनेम मोबाईल (MI branded mobile) फोन वितरक म्हणून ओळखली जाते.

Advertisement
Loading...

अंमलबजावणी संचालनालयाने आपल्या अधिकृत निवेदनात म्हटले आहे की Xiaomi India ही चीनच्या Xiaomi समूहाची पूर्ण मालकीची उपकंपनी आहे. कंपनीच्या बँक खात्यांमध्ये असलेली 5,551.27 कोटी रुपयांची रक्कम जप्त करण्यात आली आहे. एका अधिकृत निवेदनानुसार, फेब्रुवारीमध्ये केंद्रीय एजन्सीने चिनी कंपनीने विदेशी निधीच्या कथित बेकायदेशीर पैसे पाठविल्याप्रकरणी कंपनीविरुद्ध चौकशी सुरू केली होती. तपासाच्या प्राथमिक मूल्यांकनानंतर, कंपनीचे पैसे परकीय चलन व्यवस्थापन कायद्याच्या (फेमा) संबंधित कलमांतर्गत जप्त करण्यात आले आहेत. पीटीआयच्या रिपोर्टनुसार, Xiaomi ने 2014 पासून भारतात आपले ऑपरेशन सुरू केले आणि पुढच्या वर्षापासून पैसे पाठवण्यास सुरुवात केली. अंमलबजावणी संचालनालयाच्या म्हणण्यानुसार, कंपनीने रॉयल्टीच्या नावाखाली 5,551.27 कोटी रुपयांचे विदेशी चलन तीन परदेशी संस्थांना पाठवले. या संस्थांमध्ये Xiaomi समूहाचे एक युनिट देखील समाविष्ट आहे.

Advertisement

Advertisement

चीनी कंपनीच्या मूळ संघटनांच्या सूचनेनुसार शाओमी इंडियाकडून रॉयल्टीच्या नावावर मोठी रक्कम पाठवण्यात आल्याचा आरोप आहे. ED ने सांगितले की Xiaomi ग्रुपच्या घटकांच्या अंतिम फायद्यासाठी निधी इतर दोन असंबंधित यूएस संस्थांना देखील पाठवण्यात आला होता. जारी केलेल्या निवेदनात म्हटले आहे की Xiaomi India भारतातील निर्मात्यांकडून मोबाईल संच आणि इतर उत्पादने खरेदी करते परंतु ज्यांना एवढी मोठी रक्कम हस्तांतरित करण्यात आली आहे अशा तीन परदेशी संस्थांकडून कोणतीही सेवा प्राप्त झालेली नाही. समूहाच्या घटकांमध्ये तयार केलेल्या विविध असंबंधित कागदपत्रांच्या आडून, कंपनीने रॉयल्टीच्या नावाखाली एवढी मोठी रक्कम परदेशात हस्तांतरित केली आहे, जी FEMA च्या कलम 4 चे उल्लंघन आहे. कंपनीने परदेशात पैसे पाठवण्यासाठी बँकांना दिशाभूल करणारी माहिती दिल्याचा आरोपही ईडीने केला आहे.

Advertisement

Advertisement
Advertisement

Leave a Reply