पाकिस्तानमध्ये आज महत्वाची घडामोड; पहा, पंतप्रधान इम्रान खान राजीनामा देणार का..?
दिल्ली : आज पाकिस्तानच्या राजकारणातील महत्वाचा दिवस आहे. कारण, आज सर्वोच्च न्यायालयाच्या आदेशानुसार पाकिस्तान संसद पंतप्रधान इम्रान खान यांच्याविरोधातील अविश्वास प्रस्तावावर मतदान करणार आहे. शुक्रवारी सभागृहात चर्चेसाठी जारी केलेल्या सहा कलमी अजेंड्यामध्ये अविश्वास प्रस्तावावरील चर्चा चौथ्या क्रमांकावर आहे.
संसद बरखास्त करण्याचा सरकारचा निर्णय आणि डेप्युटी स्पीकर यांचा निर्णय असंवैधानिक घोषित झाल्यानंतर सर्वोच्च न्यायालयाने संसदेची पुनर्स्थापना करण्याचे निर्देश दिले, असे मीडिया रिपोर्ट्समध्ये म्हटले आहे. सर्वोच्च न्यायालयाने संसदेचे अध्यक्ष असद कैसर यांना पंतप्रधानांविरुद्धच्या अविश्वास प्रस्तावावर मतदान घेण्यासाठी शनिवारी सकाळी 10.30 वाजता अधिवेशन बोलावण्याचे निर्देश दिले. न्यायालयाने असे नमूद केले की विधानसभा नेहमीच प्रभावी होती आणि यापुढेही लागू राहील.
पंतप्रधान इम्रान खान यांची शनिवारी अविश्वास ठरावाद्वारे सत्तेतून बाहेर केले गेल्यास पाकिस्तानमधील विरोधकांनी नवीन सरकार स्थापन करण्यासाठी प्राथमिक चर्चा पूर्ण केली आहे. त्याचवेळी, राष्ट्रपती आरिफ अल्वी यांना राष्ट्रपती पदावरुन काढून माजी पंतप्रधान नवाज शरीफ यांना ब्रिटनमधून परत आणण्याच्या योजनांवर विरोधक जोमाने काम करत आहेत. शुक्रवारी प्रसारमाध्यमांनी दिलेल्या वृत्तात ही माहिती देण्यात आली आहे.
मीडिया रिपोर्ट्सनुसार, संसदेच्या कनिष्ठ सभागृहातील विरोधी पक्षनेते आणि नवीन पंतप्रधान म्हणून विरोधी पक्षाचे उमेदवार शाहबाज शरीफ हे त्यांच्या संभाव्य सरकारचे प्राधान्यक्रम जाहीर करतील. विशेष म्हणजे, गुरुवारी सरन्यायाधीश यांच्या अध्यक्षतेतील सर्वोच्च न्यायालयाच्या 5 न्यायाधीशांच्या खंडपीठाने ऐतिहासिक निकाल देताना संसदेचे उपसभापती कासिम सुरी यांचा खान यांच्याविरुद्धचा अविश्वास प्रस्ताव फेटाळण्याचा निर्णय संविधानाच्या विरोधात असल्याचे म्हटले आहे. सचिवालयाने शुक्रवारी जाहीर केलेल्या दिवसाच्या कामकाजाच्या वेळापत्रकानुसार, पंतप्रधान खान यांच्याविरोधातील अविश्वास प्रस्तावावर मतदान करण्यासाठी आधिवेशन होणार आहे.
पाकिस्तान तहरीक-ए-इन्साफने (पीटीआय) सर्वोच्च न्यायालयाच्या निर्णयाच्या आधारे आपले सरकार बरखास्त केल्याच्या विरोधात आंदोलन करण्याचा निर्णय घेतला आहे. पंतप्रधान इम्रान खान यांना शनिवारी अविश्वास प्रस्तावाला सामोरे जावे लागणार असल्याचे शुक्रवारी मीडिया रिपोर्टमध्ये सांगण्यात आले आहे. येत्या काही दिवसांत प्रत्येक व्यासपीठावर नव्या सरकारच्या विरोधात आंदोलन करण्याचा विचार असल्याचे पक्षाने जाहीर केले. पक्षाने असेही जाहीर केले की ते राष्ट्रीय आणि प्रांतीय विधानसभांमधील आपल्या खासदारांच्या सामूहिक राजीनाम्याचा विचार करत आहेत.
पाकिस्तानच्या राजकारणात आज महत्वाचा दिवस; ‘त्या’ मुद्द्यावर सत्ताधारी-विरोधक आमनेसामने; जाणून घ्या..