बाब्बो.. आता चीन सगळ्या जगावरच ठेवणार ‘वॉच’; पहा, काय आहे चीनचा ‘तो’ नवा खतरनाक प्लान
दिल्ली : चीनने आपल्या तंत्रज्ञानाच्या जोरावर अवघ्या जगाचीच हेरगिरी करण्याची योजना तयार केली आहे. वास्तविक, पृथ्वीच्या कक्षेत तब्बल 13 हजार उपग्रहांद्वारे ‘मेगाकॉस्टेलेशन’ तयार करण्याची चीनची योजना आहे. हे नेटवर्क चायनीज 5G मोबाइल इंटरनेट एक्स्टेंशनचा भाग असल्याचे म्हटले जाते. 5G साठी काही कंपन्यांना चोंगकिंग शहरात विकास कामे सुरू करण्यासाठी कंत्राट देण्यात आले आहे.
त्याच वेळी, या नेटवर्कद्वारे काय समाविष्ट केले जाईल याबद्दल संदिग्धता आहे. याशिवाय ते कसे काम करेल याबाबत कोणतीही माहिती नाही. पण त्याचे लक्ष्य दळणवळण आणि ग्रामीण भागातील गरजा पूर्ण करणे हे ठेवण्यात आले आहे. सध्या चीनच्या या योजनेमुळे जगभरात चिंतेचे वातावरण आहे.
अंतराळात चीनने उचललेले कोणतेही पाऊल सुरक्षा तज्ज्ञांमध्ये चिंता निर्माण करते. इंटरनेटसह उपग्रहांचा समूह असणे हा चीन सरकारसाठी उच्च-स्तरीय प्रकल्प मानला जातो. याच्या मदतीने केवळ चीनमध्येच नव्हे तर जगभरात दळणवळणाची सेवा दिली जाऊ शकते. याद्वारे चीन पाश्चिमात्य देशांच्या ऑपरेटर्सना मागे टाकेल. शेकडो ते हजारो उपग्रहांपासून एक मेगाकॉस्टेलेशन बनलेले असते, जे पृथ्वीच्या सर्व क्षेत्रांना कव्हर करण्यासाठी एकत्रितपणे कार्य करतात. हे उपग्रह इंटरनेट सेवा प्रदान करण्यासाठी ग्रहाच्या पृष्ठभागापासून काहीशे मैलांवर कार्यरत आहेत.
सध्या चीन आणि पाश्चात्य देशांचे संबंध अतिशय थंड आहेत. यामागील मुख्य कारण म्हणजे कोविड-19 साथीचा आजार. अशा परिस्थितीत उपग्रहांचे मोठ्या प्रमाणावर प्रक्षेपण केल्याने भीती निर्माण होते, कारण त्यांचा वापर अमेरिका आणि त्याच्या मित्र राष्ट्रांविरुद्ध हेरगिरी करण्यासाठी होऊ शकतो. चीनच्या नव्या योजनेअंतर्गत चोंगकिंगमध्ये एक नवीन दळणवळण तळ बांधला जाणार आहे. ज्या कंपन्यांनी चोंगकिंगमध्ये उपग्रह केंद्र बांधण्याचे कंत्राट घेतले आहे. ते म्हणतात, की हे शहर अनेक धोरणात्मक फायदे देते, ज्यात कर्मचारी आणि अर्थव्यवस्थेचा समावेश आहे.