Take a fresh look at your lifestyle.

बाब्बो.. ‘तेथील’ परिस्थिती होतेय अत्यंत गंभीर; अमेरिकेने दिलाय ‘हा’ धोक्याचा इशारा; पहा, कोणते संकट घोंगावतेय ?

नवी दिल्ली : युक्रेनवरून अमेरिका आणि रशिया यांच्यातील वाद सातत्याने वाढत आहे. आता रशिया युक्रेनवर कधीही हमला करू शकतो, असा इशारा अमेरिकेने दिला आहे. व्हाइट हाऊसने म्हटले आहे, की ‘परिस्थिती धोकादायक आहे’ मात्र, अजूनही या मुद्द्यावर चर्चा करता येईल. व्हाइट हाऊसचे प्रेस सचिव जेन साकी यांनी रशियाचे राष्ट्राध्यक्ष व्लादिमीर पुतिन यांना सध्याच्या परिस्थितीसाठी जबाबदार धरले आहे.

Advertisement

साकी यांनी म्हटले आहे, की पुतिन यांनी युक्रेन बरोबरच्या रशियन सीमेवर 1 लाख सैन्य तैनात केले आहे. त्यामुळे हे संकट खूप वाढले आहे. रशिया आपले सैन्य युक्रेनच्या पूर्व सीमेवर लष्करी सरावासाठी पाठवत आहे. ही एक अतिशय धोकादायक परिस्थिती आहे. आता आम्ही अशा स्थितीत पोहोचलो आहोत की रशिया युक्रेनवर कधीही आक्रमण करू शकतो. तो पूर्वीपेक्षा मजबूत स्थितीत आहे.

Advertisement

परराष्ट्र विभागाच्या एका वरिष्ठ अधिकाऱ्याने दिलेल्या माहितीनुसार, अमेरिकेचे परराष्ट्र मंत्री ब्लिंकन प्रथम युक्रेनला भेट देणार आहेत. त्यानंतर ते जर्मनीला भेट देतील. वरिष्ठ अधिकारी म्हणाले, की ‘अमेरिकेला संघर्ष नको आहे. आम्हाला शांतता हवी आहे. राष्ट्राध्यक्ष पुतिन यांच्यात हे संकट कमी करण्यासाठी निर्णय घेण्याचे सामर्थ्य आहे जेणेकरुन अमेरिका आणि रशिया यांच्यातील वाद कमी होतील.

Advertisement

याआधी अशाही बातम्या आल्या होत्या, की रशिया देशाच्या सुदूर पूर्व भागात तैनात असलेल्या सैन्याला बेलारूस येथे सरावासाठी पाठवत आहे. अधिकाऱ्यांनी मंगळवारी ही माहिती दिली. या तैनातीमुळे पाश्चात्य देशांमध्ये आक्रमणाच्या भीतीने युक्रेनजवळ रशियन लष्करी उपकरणांची संख्या वाढली आहे. बाहेरील धोक्यांना तोंड देण्यासाठी रशियन-बेलारूस युतीने संयुक्त सराव करणे हा या सरावाचा उद्देश असल्याचे रशियाचे उप संरक्षण मंत्री अलेक्झांडर फोमिन यांनी सांगितले. दोन्ही देशांमध्ये घनिष्ठ राजकीय, आर्थिक आणि लष्करी संबंध आहेत. या सरावासाठी किती सैन्य आणि शस्त्रे पुन्हा तैनात केली जात आहेत हे मात्र सांगितले नाही.

Advertisement

युक्रेनियन अधिकार्‍यांनी इशारा दिला आहे, की रशिया त्याच्या मित्र बेलारूसच्या प्रदेशासह विविध दिशांनी आक्रमण करू शकतो. या तैनातीमुळे युक्रेनजवळ रणगाडे आणि इतर अवजड शस्त्रास्त्रांसह उपस्थित असलेल्या 1 लाख सैनिकांची ताकद वाढेल. ही आक्रमणाआधीची तयारी असू शकते, अशी भीती पाश्चात्य देशांना आहे. रशियाने युक्रेनवर हमला करण्याचा कोणताही हेतू नाकारला असला तरी, नाटो युक्रेन किंवा इतर माजी सोव्हिएत देशांमध्ये विस्तारणार नाही किंवा आपले सैन्य आणि शस्त्रे तेथे ठेवणार नाही याची हमी पाश्चात्य देशांकडून मागितली आहे.

Advertisement
Advertisement

Leave a Reply