Take a fresh look at your lifestyle.

म्हणून इम्रान खान पोहचले ISI मुख्यालयात; पहा नेमकी काय चर्चा सुरू झालीय जगभरात

दिल्ली : पाकिस्तानचे नवीन राष्ट्रीय सुरक्षा धोरण जाहीर होण्याच्या एक दिवस आधी पंतप्रधान इम्रान खान आयएसआयच्या मुख्यालयात पोहोचले. त्यांच्यासोबत केंद्रीय मंत्र्यांचे पथक इस्लामाबादमधील पाकिस्तानी गुप्तचर संस्थेच्या कार्यालयात गेले होते. आयएसआय प्रमुखाच्या नियुक्तीवरून लष्कर आणि इम्रान खान यांच्यातील वादानंतर ही पहिलीच भेट आहे. मोठी गोष्ट म्हणजे पूर्वीप्रमाणेच या वेळीही इमरानच्या ISI प्रमुखाशी झालेल्या भेटीबाबत कोणताही फोटो किंवा व्हिडिओ जारी करण्यात आलेला नाही. इम्रान खान शुक्रवारी देशाचे पहिले राष्ट्रीय सुरक्षा धोरण जाहीर करणार आहेत. या गोपनीय सुरक्षा धोरणात 100 वर्षांपासून भारताशी शत्रुत्व न करण्यावर भर देण्यात आला आहे. त्याचबरोबर काश्मीर प्रश्नावर अंतिम तोडगा निघण्यापूर्वीच भारतासोबत व्यापार-उद्योग सुरू करण्याचा उल्लेख आहे. या सुरक्षा धोरणाचा काही भाग मीडियात लीक झाल्यानंतर पाकिस्तानातील राजकारण तापले आहे.

Advertisement

पाकिस्तानी मीडिया रिपोर्ट्सनुसार, इम्रान खान यांना आयएसआय मुख्यालयात देशाच्या अंतर्गत सुरक्षेबाबत तसेच भारत आणि अफगाण सीमेवरील ताज्या परिस्थितीची माहिती देण्यात आली. इम्रान खानच्या या भेटीचा कोणताही फोटो किंवा व्हिडिओ पंतप्रधान कार्यालय किंवा डीजी ISPR यांनी जारी केलेला नाही. असे मानले जाते की नवीन आयएसआय प्रमुख त्यांच्या पूर्वीच्या प्रमुखांप्रमाणे प्रसिद्धीपासून दूर राहू इच्छितात. आयएसआय आणि इम्रान सरकारमध्ये सर्व काही सुरळीत सुरू नसल्याचीही चर्चा आहे.  पाकिस्तानच्या पंतप्रधान कार्यालयाकडून जारी करण्यात आलेल्या निवेदनात असे सांगण्यात आले आहे की, या बैठकीला लष्करप्रमुख जनरल कमर जावेद बाजवा देखील उपस्थित होते. आयएसआयचे डीजी लेफ्टनंट जनरल नदीम अहमद अंजुम यांनी मान्यवरांचे स्वागत केले. त्यांनी इम्रान खान आणि मंत्र्यांना देशातील अंतर्गत परिस्थिती आणि अफगाणिस्तानातील सद्यस्थितीची माहिती दिली. आयएसआयनेही इम्रान खानला भारताच्या सीमेवरील परिस्थितीबद्दल सांगितले.

Advertisement

पाकिस्तानी पंतप्रधान कार्यालयाच्या निवेदनात या बैठकीशी संबंधित तपशीलवार माहिती देण्यात आलेली नाही. तरीही अफगाणिस्तानातील सद्यस्थितीची चर्चा म्हणजे अफगाण सीमेवर कुंपण घालणे, बंदी घातलेल्या तहरीक-ए-तालिबान पाकिस्तानचा (टीटीपी) धोका, तालिबानशी संबंध अशा मुद्द्यांवर लष्कर आणि सरकारमध्ये चर्चा झाल्याचे मानले जाते. त्याचबरोबर भारत-पाकिस्तान सीमेवरील परिस्थितीबाबतही माहिती देण्यात आली. पाकिस्तानातील नव्या राष्ट्रीय सुरक्षा धोरणावरून वाढणारा वाद कमी करण्यासाठी इम्रान खान यांना लोकांचे लक्ष दुसरीकडे वळवायचे आहे. सध्या भारतीय सुरक्षा दलांनी जम्मू-काश्मीरमध्ये दहशतवाद्यांचे कंबरडे मोडले आहे. मुसळधार बर्फवृष्टी आणि भारतीय लष्कराच्या सतर्कतेमुळे पाकिस्तानला सीमेपलीकडे असलेल्या लाँचिंग पॅडमधून नवीन दहशतवाद्यांची घुसखोरीही करता येत नाही. अशा परिस्थितीत गुजरात ते जम्मू-काश्मीरपर्यंतच्या सीमेवर पाकिस्तान नवी चाल खेळू शकतो.

Advertisement

Advertisement

Leave a Reply