आणि म्हणून मोदीजी न वाचताही करू शकतात तास-दीडतासभर भाषण..!

मुंबई : आजकाल तुम्ही पाहिलं असेल की राजकारणी जेव्हा जेव्हा मंचावरून भाषण देतात तेव्हा त्यांना जनतेकडे पाहून बोलावे लागते. अशा परिस्थितीत जर भाषण लिखित स्वरूपात असल्यास लोकांशी संवादात अडचण येऊ शकते. कारण, वाचताना पाहून समोरील मंडळींनाही ते योग्य वाटत नाही. या समस्येचा सामना करण्यासाठी, असे उपकरण बाजारात उपलब्ध आहे ज्याने भाषण वाचूनही न वाचता थेट बोलत असल्याचा फील येणे शक्य आहे. ते उपकरण आता टीव्ही न्यूज अँकरदेखील वापरतात. तसेच आदरणीय पंतप्रधान नरेंद्र मोदी यांच्यासह अनेक नेतेही हे वापरत असतात. जर तुम्हाला या उपकरणाबद्दल माहितीही नसेल तर आज आम्ही तुम्हाला याबद्दल सांगणार आहोत.

आपण ज्या उपकरणाबद्दल बोलत आहोत त्याला टेलिप्रॉम्प्टर म्हणतात. या उपकरणाचा वापर मजकूर वाचण्यासाठी केला जातो आणि कॅमेरासमोर याचा वापर केला जातो जेणेकरून समोर बसलेल्या व्यक्तीला कळूही नये आणि तुम्ही न थांबता बोलू शकता. टेलि प्रॉम्प्टर्सचे अनेक प्रकार असले तरी राजकारणी वापरणारे हे पारदर्शक काचेसारखे असतात. हे प्रेक्षकांना सामान्य काचेसारखे वाटते. किंवा अनेकदा तर ते समजतही नाही. परंतु स्टेजवर असलेल्या व्यक्तीला सर्वकाही स्पष्टपणे दिसते. या टेलिप्रॉम्प्टरचे नियंत्रण स्क्रीन पाहणाऱ्या व्यक्तीकडे असते, त्यामुळे मजकुराचा वेग सहज वाढवता किंवा कमी करता येतो. टेलीप्रॉम्प्टरची किंमत लाखोंमध्ये आहे. कारण ते हाय-टेक तंत्रज्ञानावर काम करतात. ते रॅली आणि सभांमध्ये वापरले जातात आणि देश-विदेशात त्यांना मोठी मागणी आहे. यातले काही जरी कमी बजेट आहेत. परंतु ते हायटेक नाहीत. तसेच स्वस्त टेलिप्रॉम्प्टर देखील योग्यरित्या काम करत नाहीत. पत्रकारितेच्या संस्थांमध्येही अँकर त्यांचा वापर करून बातम्या वाचतात आणि तुम्हाला कळतही नाही.