सध्या टीव्ही आणि मोबाईल हा लोकांच्या जीवनाचा महत्त्वाचा भाग बनला आहे. ऑफिसच्या कामापासून ते त्यांच्या करमणुकीपर्यंत, लोक त्यांचा जास्तीत जास्त वेळ स्क्रीनसमोर घालवत असतात. विशेषत: मुलं आपला जास्तीत जास्त वेळ टीव्हीसह इतर गॅजेट्समध्ये घालवत आहेत. अशा परिस्थितीत त्याचा त्यांच्या आरोग्यावर विपरीत परिणाम होऊ लागतो.टीव्हीसमोर वेळ घालवल्याने आरोग्यावर परिणाम होतो, परंतु याच्याशी संबंधित असे अनेक समज आहेत, जे दूर करणे प्रत्येकासाठी आवश्यक आहे. तर, आज जागतिक दूरचित्रवाणी दिनानिमित्त जाणून घेऊया टीव्हीमुळे होणाऱ्या हानीशी संबंधित मिथकं-
गैरसमज – कमी प्रकाशात टीव्ही पाहणे हानिकारक आहे?
तथ्य- कमी प्रकाशात टीव्ही पाहणे डोळ्यांसाठी खूप हानिकारक आहे, असे अनेकांचे मत आहे. परंतु तज्ञांच्या मते, कमी प्रकाशामुळे आपल्या डोळ्यांवर फारसा परिणाम होत नाही. वास्तविक, कमी प्रकाशात टीव्ही पाहिल्यावर आपले डोळे प्रकाशानुसार स्वतःला जुळवून घेतात, त्यामुळे डोळ्यांवर विशेष परिणाम होत नाही.
गैरसमज- टीव्ही पाहताना चष्मा लावलाच पाहिजे?
तथ्य- तुम्ही अनेकदा काही लोकांचे म्हणणे ऐकले असेल की ज्यांचे डोळे खराब आहेत त्यांनी नेहमी चष्मा लावावा. यासोबतच काही लोकांचा असाही विश्वास आहे की तुम्ही चष्मा लावून टीव्ही पाहिल्यास ते तुमचे डोळे खराब करणार नाही. पण यात अजिबात तथ्य नाही.
- Weight Loss Food: ‘या’ सुगंधी पदार्थाच्या सेवनाने वजन कमी होईल, काही दिवसातच दिसणार परिणाम
- हिवाळ्यात गरमागरम गोभी पराठ्यांचा आस्वाद घ्या
गैरसमज- सतत टीव्ही स्क्रीन पाहण्याने डोळे कमजोर होतात?
वस्तुस्थिती- लोकांचा हा समजही पूर्णपणे चुकीचा आहे. टीव्ही स्क्रीनवर जास्त बघून डोळ्यांना इजा झाली असेल तर अशा लोकांना सतत कॉम्प्युटरसमोर बसणे कठीण होऊ शकते. टीव्हीच्या स्क्रीनमुळे डोळे खराब होत नाहीत, पण हो, सतत टीव्हीसमोर बसल्याने डोळ्यांत पाणी येतं, त्यामुळे टीव्ही पाहताना मधेच ब्रेक घेत राहणं गरजेचं आहे.
गैरसमज- खूप टीव्ही पाहणाऱ्यांची गाजर खाल्ल्याने त्यांची दृष्टी सुधारते?
तथ्य- गाजरातील बीटा-कॅरोटीन आणि व्हिटॅमिन-ए दोन्ही डोळ्यांसाठी खूप फायदेशीर मानले गेले आहेत. पण याचा अर्थ असा अजिबात नाही की जे जास्त टीव्ही पाहतात त्यांच्यासाठी गाजर जास्त फायदेशीर आहे. गाजर खाल्ल्याने डोळ्यांच्या दृष्टीत विशेष बदल होत नाही.
