दरवर्षी १४ नोव्हेंबर हा जागतिक मधुमेह दिन म्हणून साजरा केला जातो. हा एक आजार आहे ज्याचे गांभीर्य समजून घेणे आवश्यक आहे. हिवाळ्यात हा त्रास थोडा वाढतो, त्यामुळे रुग्णांनी स्वतःची अशी काळजी घ्यावी.
नोव्हेंबर हा मधुमेह जागरूकता महिना आहे आणि जागतिक मधुमेह दिन 14 नोव्हेंबर रोजी येतो. भारत आणि जगभरातील लाखो लोकांना प्रभावित करणार्‍या या आजाराबद्दल अधिक समजून घेण्याची ही चांगली वेळ आहे. मधुमेह हा एक असा आजार आहे ज्यावर उपचार न केल्यास त्याचे गंभीर परिणाम होऊ शकतात, त्यामुळे मधुमेहाबाबत जागरुकता, काळजी आणि उपचार अत्यंत आवश्यक आहेत.
मधुमेह ही अशी स्थिती आहे ज्यामध्ये शरीराची इन्सुलिन तयार करण्याची किंवा वापरण्याची क्षमता कमी होते. इन्सुलिन हा एक हार्मोन आहे जो शरीरातील रक्तातील साखरेची पातळी नियंत्रित करण्यास मदत करतो. येथे लक्षात घेण्याजोगा मुद्दा असा आहे की जेव्हा पुरेसे इन्सुलिन नसते तेव्हा रक्तातील साखरेची पातळी वाढते. यामुळे हृदयविकार, पक्षाघात, किडनीचे आजार आणि अंधत्व यांसह इतर अनेक गंभीर आरोग्य समस्या उद्भवू शकतात. त्यामुळे मधुमेही रुग्ण हिवाळ्यात स्वतःची काळजी कशी घेऊ शकतात ते येथे जाणून घ्या.
- Health Tips: अधिकचे वजन वा लठ्ठपणा असेल तर होऊ शकतात हे गंभीर परिणाम; पहा सविस्तर
- World Mental Health Day : “या ” पद्धतीने ओळखा मानसिक तणावाने त्रस्त असलेल्या रुग्णांना , जाणून घ्या कारणे व उपाय
- रोज व्यायाम करा :हिवाळ्यात आळसामुळे व्यायाम करणे थोडे कठीण जाते. पण जर तुम्ही मधुमेहाचे रुग्ण असाल तर या ऋतूत तुमच्या रक्तातील साखरेची पातळी नियंत्रित ठेवण्यासाठी, इन्सुलिनची संवेदनशीलता वाढवण्यासाठी व्यायाम करत राहा. हिवाळ्यात, कमी शारीरिक हालचालींमुळे, वजन देखील वाढू लागते, मग एक मोठी समस्या उद्भवते. त्यामुळे या सर्वांचा सामना करण्यासाठी व्यायाम प्रभावी आहे.
- तेलकट अन्नाचे सेवन कमी करा : तेलकट पदार्थ जरी प्रत्येक ऋतूत हानिकारक असतात, पण पावसाळा आणि हिवाळ्यात लोक ते जास्त प्रमाणात सेवन करू लागतात, जे कोलेस्ट्रॉल ते वजन झपाट्याने वाढवण्याचे काम करतात. त्यामुळे मधुमेही रुग्णांनी विशेष काळजी घ्यावी, कारण यावेळी रोगप्रतिकारक शक्ती थोडीशी कमकुवत होते. जे तुमच्यासाठी धोकादायक ठरू शकतात.
- त्वचेची काळजी घ्या : या ऋतूमध्ये तुमच्या शरीरासोबतच तुम्ही हात आणि पायांचीही जास्त काळजी घेतली पाहिजे. ते स्वच्छ ठेवण्यासोबतच भाजल्याच्या, चिरलेल्या किंवा जखमेच्या खुणा नाहीत ना हे तपासत रहा. त्वचेला ओलावा ठेवा कारण कोरडेपणामुळे खाज येऊ शकते आणि जास्त खाज सुटल्याने फोड येऊ शकतात.
- इतर खबरदारी : मधुमेह आणि इतर आजारांनी ग्रस्त असलेल्या लोकांना या हंगामात फ्लू आणि न्यूमोनिया होण्याचा धोकाही वाढतो. त्यामुळे यापासून दूर राहण्यासाठी जी काही लस किंवा औषधाची गरज असेल, ती तुमच्या डॉक्टरांचा सल्ला घेतल्यानंतर घ्या
