Wheat Price : ओपन मार्केट सेल्स स्कीम (OMSS) अंतर्गत 13 ई-लिलावात ठोक व्यापाऱ्यांना मोठ्या प्रमाणात 18.09 लाख टन गहू (Wheat Price) विकल्याचे सरकारने शुक्रवारी सांगितले. ई-लिलावाद्वारे गव्हाची विक्री केल्याने पिठाच्या किमती कमी होण्यास मदत झाली आहे. गेल्या महिन्यात 9 ऑगस्ट रोजी सरकारने मोठ्या प्रमाणात OMSS अंतर्गत अतिरिक्त 50 लाख टन गहू आणि 25 लाख टन तांदूळ विकण्याची घोषणा केली होती. ही विक्री ई-ऑक्शनद्वारे करण्यात आली. हा ई-लिलाव दर आठवड्याला व्हायचा. यामध्ये गहू 2 हजार 125 रुपये प्रतिक्विंटल राखीव भावाने विकला जात आहे. हे सध्याच्या किमान आधारभूत किमतीइतके आहे.
अन्न मंत्रालयाने एका निवेदनात म्हटले आहे की OMSS धोरणाच्या यशस्वी अंमलबजावणीमुळे खुल्या बाजारात गव्हाच्या किमती नियंत्रणात राहतील याची खात्री झाली आहे. आर्थिक वर्ष 2023-24 च्या उर्वरित कालावधीसाठी OMSS धोरण सुरू ठेवण्यासाठी गव्हाचा पुरेसा साठा उपलब्ध आहे.
ई-लिलावात 18.09 लाख टन गहू विक्री
अन्न मंत्रालयाने सांगितले की 21 सप्टेंबर 2023 पर्यंत एकूण 13 ई-लिलाव आयोजित करण्यात आले होते. यामध्ये 18.09 लाख टन गव्हाची विक्री झाली आहे. 2023-24 या आर्थिक वर्षात देशभरात 480 हून अधिक डेपो बांधण्यात आले आहेत. यामध्ये दर आठवड्याला 2 लाख टन गहू लिलावात विक्री होत आहे. मंत्रालयाने सांगितले की, ई-लिलावात गव्हाची सरासरी विक्री किंमत ऑगस्टमध्ये 2,254.71 रुपये प्रति क्विंटल होती, जी 20 सप्टेंबर रोजी 2,163.47 रुपये प्रति क्विंटलवर आली आहे.
अन्न मंत्रालयाने आपल्या निवेदनात म्हटले आहे की, गव्हाच्या सरासरी विक्री किमतीतील घसरणीचा कल हे सांगतो की खुल्या बाजारात गव्हाचे बाजारभाव थंड झाले आहेत. पुढे, आयोजित केलेल्या प्रत्येक साप्ताहिक ई-लिलावामध्ये, विक्रीचे प्रमाण ऑफर केलेल्या प्रमाणाच्या 90 टक्क्यांपेक्षा जास्त नाही, हे दर्शविते की देशभरात गव्हाचा पुरेसा साठा उपलब्ध आहे.
