Weather Update : देशातील बहुतेक भागात मुसळधार पावसाने कहर केला आहे. या मुसळधार पावसामुळे लोकांचे मोठे प्रमाणात नुकसान देखील होत आहे. यातच शिमल्यात ढगफुटीमुळे अनेकांना जीव गमवावा लागला आहे, तर जास्त पाण्यामुळे वाहनेही वाहून गेली आहेत.
मुसळधार पावसामुळे राष्ट्रीय राजधानी दिल्लीसह संपूर्ण उत्तर भारतातील नद्यांच्या पाणी पातळीतही वाढ झाली आहे. गंगा, जमुना धोक्याच्या चिन्हावर चालत आहेत. देशाच्या अनेक भागांमध्ये रस्त्यांनाही तलावाचे स्वरूप आले असून, तेथे वाहनांऐवजी बोटींचा वापर केला जात आहे. सकाळपासून पश्चिम उत्तर प्रदेशात पाऊस पडत आहे. दरम्यान भारतीय हवामान विभागाने (IMD) देशातील अनेक राज्यांमध्ये मुसळधार पावसाचा इशारा दिला आहे.
या राज्यांमधील हवामान अपडेट
IMD नुसार मान्सूनच्या सक्रिय वेस्टर्न डिस्टर्बन्ससह, गेल्या 3 दिवसांपासून विजांच्या कडकडाटासह मुसळधार पावसाचा इशारा देण्यात आला आहे. राजधानी दिल्लीत आज कमाल तापमान 31 अंश सेल्सिअस राहण्याची शक्यता आहे. उप-हिमालयीन पश्चिम बंगाल, सिक्कीम, अरुणाचल प्रदेश, आसाम, मेघालय आणि उत्तराखंडमध्ये मुसळधार पावसाचा इशारा देण्यात आला आहे.
यासोबतच उत्तर प्रदेश, पश्चिम मध्य प्रदेश, बिहार आणि हिमाचलमध्ये मेघगर्जनेसह मुसळधार पाऊस पडण्याची शक्यता आहे. यासोबतच हरियाणा, चंदीगड, दिल्ली, पूर्व राजस्थान आणि पूर्व मध्य प्रदेशात मुसळधार पावसाची शक्यता आहे. ओडिशा, नागालँड, मणिपूर, मिझोराम, त्रिपुरा, कोकण- गोवा आणि गुजरातमध्ये मुसळधार पावसाची शक्यता आहे. यासोबतच आंध्र प्रदेश आणि यानाम, किनारी कर्नाटक आणि केरळमध्ये मुसळधार पावसाची शक्यता आहे.
येथे विजांच्या कडकडाटासह पाऊस पडेल
IMD नुसार, हिमाचल प्रदेश, उत्तराखंड, हरियाणा, चंदीगड, दिल्ली, उत्तर प्रदेश आणि पूर्व राजस्थानमध्ये अतिवृष्टीचा इशारा देण्यात आला आहे. याशिवाय अंदमान निकोबार बेट, बिहार, झारखंड, ओडिशा आणि अरुणाचल प्रदेशात मुसळधार पावसाची शक्यता आहे.
यासोबतच आसाम, मेघालय, नागालँड, मणिपूर, मिझोराम, त्रिपुरा आणि किनारी आंध्र प्रदेशात मुसळधार पावसाची शक्यता आहे. रायलसीमा, किनारी कर्नाटक, दक्षिण अंतर्गत कर्नाटक, तामिळनाडू, पुद्दुचेरी येथे पाऊस पडेल.
