Weather Today: सद्यस्थितीला देशातील काही राज्यात मुसळधार पाऊस तर काही राज्यात उष्णतेची लाट आली आहे.
त्यातच आता IMD ने दिलेल्या माहितीनुसार काही राज्यांना उष्णतेपासून दिलासा मिळणार आहे तर काही राज्यात पुन्हा एकदा मुसळधार पाऊस कोसळणार आहे.
IMD च्या अंदाजानुसार, दिल्ली, मुंबई, उत्तर प्रदेश, राजस्थानसह अनेक राज्यांमध्ये मेघगर्जनेसह पाऊस पडण्याची शक्यता आहे. त्यामुळे तापमानात काहीशी घट होऊन उष्णतेपासून दिलासा मिळण्याची आशा आहे.
पश्चिम हिमालयात काही दिवस पाऊस आणि बर्फवृष्टी
हवामान खात्यानुसार, 16 ते 19 मार्च दरम्यान महाराष्ट्र, तेलंगणा, छत्तीसगड, झारखंड, मध्य प्रदेशच्या अंतर्गत भागात हलका ते मध्यम पाऊस आणि गडगडाट किंवा गारपीट होण्याची शक्यता आहे. याशिवाय 16 ते 20 मार्च दरम्यान पूर्व भारतात आणि 17 ते 19 मार्च दरम्यान पश्चिम हिमालयीन प्रदेशासह वायव्य भारतात मोठ्या प्रमाणावर पाऊस पडण्याची शक्यता आहे.
हवामान अंदाज एजन्सी स्कायमेटच्या मते, पश्चिम हिमालयात किमान पुढील 4 ते 5 दिवस विखुरलेला पाऊस आणि बर्फवृष्टी कायम राहील. मात्र, त्यानंतर हवामान कोरडे राहील.
या राज्यांमध्ये आज पावसाचा यलो आणि ऑरेंज अलर्ट
हवामान खात्याने विविध भागात मेघगर्जनेसह पावसासाठी पिवळा आणि केशरी अलर्ट जारी केला आहे. महाराष्ट्र आणि कर्नाटकच्या भागांसाठी ऑरेंज अलर्ट आहे आणि पंजाब, हरियाणा, दिल्ली-एनसीआर आणि हिमालयी प्रदेशासह अनेक भागांसाठी यलो अलर्ट जारी करण्यात आला आहे.
या भागात आज पावसाची शक्यता
हवामान अंदाज एजन्सी स्कायमेटच्या मते, आसाम, मेघालय, अरुणाचल प्रदेश आणि नागालँडमध्ये आज एक किंवा दोन ठिकाणी हलका ते मध्यम पाऊस पडू शकतो. पश्चिम आणि दक्षिण राजस्थान, गुजरात, महाराष्ट्राचा काही भाग, पश्चिम मध्य प्रदेश आणि कर्नाटकमध्ये एक किंवा दोन तीव्र वादळांसह हलका ते मध्यम पाऊस पडण्याची शक्यता आहे.
17-18 मार्च रोजी येथे पाऊस
त्याच वेळी, उद्या म्हणजेच 17 मार्चपासून कर्नाटक, केरळ, आंध्र प्रदेश, ओडिशा, पश्चिम बंगाल, बिहार, झारखंड, पूर्व मध्य प्रदेश, उत्तर प्रदेश, दिल्ली, पंजाब आणि हरियाणाच्या काही भागांमध्ये पाऊस सुरू होईल.
तेलंगणा, मराठवाडा, उत्तर भागात मुसळधार पाऊस पडू शकतो. 17 आणि 18 मार्च रोजी अंतर्गत कर्नाटक आणि दक्षिण छत्तीसगडच्या काही भागात मध्यम ते मुसळधार पाऊस पडू शकतो.
