Vladimir Putin: मॉस्को : रशियाचे (Russia President) अध्यक्ष व्लादिमीर पुतिन यांच्या प्रकृतीबाबत नवीन अहवालांमध्ये धक्कादायक दावा करण्यात आला आहे. पुतिन हे हरणाच्या शिंगातून काढलेल्या रक्ताने आंघोळ करत असल्याचे सांगितले जाते आणि ते थायरॉईड कर्करोग (thyroid cancer) तज्ञ डॉक्टरांच्या “सतत” संपर्कात असतात. रशियाचे विद्यमान संरक्षण मंत्री सर्गेई शोइगु यांनी पुतीन यांना या विचित्र वागणुकीबद्दल सांगितले होते. पुतिन यांनी 2000 च्या दशकाच्या मध्यात हरणांच्या शिंगांपासून काढलेल्या सुगंधी अर्काने भरलेल्या बाथटबमध्ये आंघोळ केल्याचे सांगितले जाते.
डेलीमेलच्या बातमीनुसार, सायबेरियाच्या अल्ताई लाल हरणाची शिंगे शरीराच्या सौंदर्यासाठी प्रभावी असल्याचा कोणताही पुरावा नाही. मात्र, याबाबत अनेक बातम्या आहेत. पुतिन यांच्याबाबत सतत सांगितले जात आहे की त्यांनी युक्रेनवर हल्ला अशा वेळी केला जेव्हा त्यांना गंभीर आरोग्य समस्या आहेत. त्यांनी ही माहिती रशियाच्या लोकांपासून लपवून ठेवली आहे. रशियामध्ये बंदी असलेल्या आणि परदेशातून कार्यरत असलेल्या प्रोएक्ट मीडियाच्या नवीन अहवालात पुतिनबद्दल अनेक धक्कादायक दावे करण्यात आले आहेत. अहवालात म्हटले आहे की पुतिन हे केवळ प्राण्यांच्या रक्तावर आधारित उपचारांचे चाहते नाहीत तर त्यात रशियातील अनेक बड्या उच्चभ्रू लोकांची नावे आहेत.
सायबेरियन टाइम्सच्या वृत्तानुसार, असे मानले जाते की शिंगांचे रक्त वापरून आंघोळ करणे आणि पिणे ही रशियामधील एक प्राचीन परंपरा आहे. जी चीन आणि कोरियामध्ये देखील दिसून येते. बातम्यांनुसार, ही प्रक्रिया कथितपणे महिलांना तरुण ठेवण्यासाठी आणि पुरुषांची लैंगिक शक्ती वाढविण्यात मदत करते. अल्ताई पर्वतातील एका फार्मने आपल्या वेबसाइटवर म्हटले आहे की, ‘लाल हरणांच्या शिंगांचा अर्क एक मजबूत टॉनिक म्हणून काम करतो. विशेषत: पुरुषांची शक्ती वाढवण्यासाठी याचे कार्य आहे. पुतीनची “मजबूत माणूस” अशी प्रतिमा गेल्या काही वर्षांमध्ये नाटकीयरित्या बदलली आहे. द सनच्या वृत्तानुसार त्यांना कदाचित गंभीर आजाराने ग्रासले आहे असा अंदाज लावला जातो. बातम्यांनुसार, पुतिन हे थायरॉईड कॅन्सरमध्ये तज्ञ असलेल्या डॉक्टरांच्या सतत संपर्कात असल्याचे एका नवीन तपासणीत दिसून आले आहे. (Vladimir Putin Bathes In Deer Antler Blood Ancient Procedure Said To Be Increase Sexual Power Report Claims)
