Upcoming Car : भारतीय बाजारात लवकरच Maruti Alto K10, Celerio आणि S-Presso च्या ड्रीम एडिशन लॉन्च होणार आहे. कंपन्यांच्या या कारमध्ये तुम्हाला शानदार फीचर्स पाहायला मिळतील. जाणून घ्या सविस्तर माहिती.
काय असतील फीचर्स? जाणून घ्या
ड्रीम सिरीज एडिशन स्मार्टफोन कनेक्टिव्हिटीसह इन्फोटेनमेंट स्क्रीन, रिव्हर्स पार्किंग कॅमेरा आणि खालच्या व्हेरियंटमध्ये साउंड सिस्टीम यांसारखी शानदार फीचर्स ऑफर करेल. कारण, ही नवीन आवृत्ती हॅचबॅकच्या एंट्री-लेव्हल प्रकारावर आधारित असणार आहे. किमतीचा विचार केला तर सध्या, Alto K10, S-Presso आणि Celerio अनुक्रमे रु. 3.99 लाख, रु. 4.26 लाख आणि रु. 5.36 लाखांच्या सुरुवातीच्या किमतीत खरेदी करता येईल.
समजा आपण एप्रिल 2024 मध्ये या मॉडेल्सच्या विक्रीच्या आकड्यावर नजर टाकली तर मारुती सुझुकीला अल्टो आणि एस-प्रेसोच्या 11,519 युनिट्सची विक्री करण्यात आली आहे. पण मागील वर्षीचा कालावधी पाहिला तर त्यात घट झाली असून मागील वर्षी एप्रिल महिन्यात या मॉडेल्सच्या 14,110 युनिट्सची विक्री झाली होती.
कसे असेल इंजिन?
हे लक्षात घ्या की Alto K10, Celerio आणि S-Presso ड्रीम एडिशन 1.0-लिटर, 3-सिलेंडर, NA पेट्रोल इंजिनने 66 bhp पॉवर आणि 89 Nm टॉर्क निर्माण करेल. या आवृत्त्या केवळ 5-स्पीड मॅन्युअलसह ऑफर करण्यात येतील. इतकेच नाही तर गिअरबॉक्स या घोषणेसह, कंपनीने असेही सांगितले की ती आपली ऑटो गियर शिफ्ट (AGS) उत्पादन लाइन 5000 रुपयांनी कमी करेल.
मारुती सुझुकी इंडिया लिमिटेडचे वरिष्ठ कार्यकारी अधिकारी (मार्केटिंग आणि विक्री) पार्थो बॅनर्जी म्हणाले की, बऱ्याच ठिकाणी आरटीओ नोंदणी शुल्क 5.00 लाख रुपये इतकी आहे, त्यामुळे ग्राहकांची सोय लक्षात घेऊन आम्ही या मर्यादित आवृत्तीची धोरणात्मक किंमत रु. 4.99 लाख इतकी करत आहे.
