Corona Update : आज कोरोनाचे मीटर पुन्हा वाढले; 24 तासांत सापडलेत ‘इतके’ नवे रुग्ण

दिल्ली – केंद्रीय आरोग्य मंत्रालयाच्या आकडेवारीनुसार, आज देशात कोरोनाचे 2,897 नवीन रुग्ण (New Corona Patient) आढळले आहेत. त्याच वेळी, 2,986 लोक बरे झाले आणि त्यांच्या घरी परतले. आरोग्य मंत्रालयाच्या म्हणण्यानुसार, 24 तासांत कोरोनामुळे 54 लोकांचा मृत्यू झाला आहे. देशात आता 19,494 अॅक्टिव्ह प्रकरणे आहेत. दैनंदिन संसर्ग दर 0.61 टक्क्यांवर पोहोचला आहे.

आरोग्य मंत्रालयाच्या आकडेवारीवर नजर टाकली तर मंगळवारच्या तुलनेत आज करोनाच्या रुग्णांमध्ये वाढ (Increase Corona Patient Today) झाली आहे. मंगळवारी 2288 प्रकरणे नोंदवली गेली होती. यानंतर सकारात्मकतेचे प्रमाणही वाढले आहे. कालपर्यंत पॉजिटिविटी दर (Positivity Rate) 0.47 टक्के होता, तो आज 0.61 टक्क्यांवर पोहोचला आहे.

देशभरातील कोरोना रुग्णांची संख्या आता हळूहळू कमी होत आहे. 26 एप्रिलपासून दररोज 3 हजारांहून अधिक प्रकरणे सापडत होती. जे 29 एप्रिलला सर्वाधिक पातळीवर होते. तेव्हापासून प्रकरणांमध्ये घट झाली आहे. 26 एप्रिलनंतर ही पहिलीच वेळ आहे, जेव्हा एकूण प्रकरणांची संख्या 3 हजारांच्या खाली गेली आहे. 26 एप्रिल रोजी 2927 प्रकरणे नोंदली गेली. त्यानंतर 27 एप्रिलला 3303, 28 एप्रिलला 3377, 29 एप्रिलला 3688, 30 एप्रिलला 3324 आणि 1 मे रोजी 3157. काल कोरोना रुग्णांची (Corona Patient) संख्या 3 हजारांच्या आत होती. आज मात्र पुन्हा नव्या कोरोना रुग्णांनी 3 हजारांचा टप्पा पार केला आहे.

जागतिक आरोग्य संघटनेने (World Health Organisation) भारतात कोरोनामुळे मृत्यूमुखी पडलेल्यांचा आकडा सादर केल्यावर भारतातील कोरोनामुळे मृत्यू झालेल्यांच्या संख्येत आश्चर्यकारक वळण आले. त्याचे असे झाले की, केंद्रीय आरोग्य मंत्रालयाचे आकडे आणि जागतिक आरोग्य संघटनेने जाहीर केलेले आकडे यात मोठी तफावत आहे. मात्र, जागतिक आरोग्य संघटनेच्या या आकडेवारीवरही केंद्र सरकारकडून आक्षेप घेण्यात आला आहे.

वास्तविक, जागतिक आरोग्य संघटनेने कोरोनामुळे होणाऱ्या मृत्यूंबाबत (Corona Death) अहवाल जारी केला आहे. त्या अहवालानुसार, भारतात कोरोनामुळे 47 लाखांहून अधिक लोकांनी आपला जीव गमावला आहे. त्याच वेळी, भारताने जाहीर केलेली अधिकृत संख्या 5 लाखांपेक्षा थोडी जास्त आहे. अशा परिस्थितीत केंद्र सरकारने जागतिक आरोग्य संघटनेच्या अहवालावर प्रश्नचिन्ह उपस्थित करत ही आकडेवारी योग्य नसल्याचे म्हटले आहे.

Corona Update : कोरोनाचा धोका अजूनही कायम.. मागील 24 तासात सापडले ‘इतके’ रुग्ण..