Take a fresh look at your lifestyle.

Russia-Ukraine War : ‘त्या’ मुद्द्यावर चीनने दिलाय ‘हा’ इशारा.. पहा, नेमके काय म्हटलेय चीनने.?

दिल्ली : युक्रेनसह सर्व देशांच्या सार्वभौमत्वाचा आदर करतो, असे चीनने म्हटले आहे. परंतु नाटोच्या विस्ताराबाबत रशियाच्या चिंतेचीही योग्य दखल घेतली पाहिजे. चीनचे परराष्ट्र मंत्री वांग यी म्हणाले की, युक्रेनमधील सद्यस्थितीसारखी परिस्थिती कोणालाही नको आहे. रशिया आणि युक्रेनमध्ये लवकरात लवकर चर्चा व्हावी, अशी चीनची इच्छा आहे.

Advertisement

चीनच्या परराष्ट्र मंत्रालयाने जारी केलेल्या निवेदनानुसार, वांग म्हणाले, की “चीन सर्व देशांच्या सार्वभौमत्व आणि प्रादेशिक अखंडतेची सुरक्षा आणि आदर राखण्याचे जोरदार समर्थन करतो.” हे युक्रेनच्या मुद्द्यावरही तितकेच लागू होते. “नाटोच्या पूर्वेकडील विस्ताराच्या सलग 5 फेऱ्या लक्षात घेता, रशियाच्या कायदेशीर सुरक्षा मागण्या गांभीर्याने घेतल्या पाहिजेत,” असे निवेदनात म्हटले आहे. संयुक्त राष्ट्र सुरक्षा परिषदेत रशियाविरुद्धच्या निषेधाच्या ठरावाबाबत वांग म्हणाले की, सुरक्षा परिषदेने तणाव कमी करण्याचा प्रयत्न केला पाहिजे, तो वाढवू नये. हा प्रस्ताव शुक्रवारी मांडण्यात आला होता, ज्याला रशियाने व्हेटो केला होता.

Advertisement

युक्रेनवरील आक्रमणाच्या निषेधार्थ अमेरिका आणि युरोपीय देशांनी रशियावर आर्थिक आणि इतर निर्बंध लादले आहेत. रशियाला आशा आहे की चीन आर्थिक निर्बंधांचा प्रभाव कमी करण्यास मदत करू शकेल. परंतु, चीन सरकारकडून असे कोणतेही संकेत नाहीत की ते रशियाला अमेरिका आणि युरोपमधील बाजारपेठेतील प्रवेशाच्या किंमतीवर मदत करेल. 2012 मध्ये जिनपिंग सत्तेवर आल्यानंतर चीन आणि रशियामधील संबंध सुधारले आहेत. या दोघांची अमेरिकेवरील नाराजी हे मुख्य कारण असले तरी त्यांच्यात अंतर्गत संघर्षही आहे.

Advertisement

दरम्यान, या परिस्थितीत भारतासमोर मात्र अनेक अडचणी निर्माण झाल्या आहेत. चीनप्रमाणे भारताने अजूनही रशियाचे समर्थन केलेले नाही. तसेच रशियाच्या समर्थनार्थ काही वक्तव्य केलेले नाही. तसे पाहिले तर अमेरिकेच्या तुलनेत रशिया नेहमीच भारतासाठी विश्वासपात्र राहिला आहे. इतकेच नाही, तर भारताच्या संकटाच्या काळात जगाचा विचार न करता रशियाने भारतास मदत केली आहे. तर दुसरीकडे अमेरिका आणि भारत यांच्यातही काही वर्षांपासून सहकार्य वाढत आहे. त्यामुळे अमेरिकाही नाराज होणार नाही, याची काळजी भारत घेताना दिसत आहे.

Advertisement

Russia-Ukrain War: रशिया-अमेरिकेच्या भांडणात भारत-चीनही लक्ष्य..! पहा नेमके काय चालू आहे राजकारणात

Advertisement
Advertisement

Leave a Reply