Tulsi Leaves For Hair : धूळ, घाम आणि वाढत्या प्रदूषणामुळे डोक्यावरील केसांच्या अनेक समस्या उद्भवतात. अशा स्थितीत केस वेगाने गळू लागतात. केसांच्या समस्येपासून कायमची सुटका (Tulsi Leaves For Hair) हवी असेल तर तुळशीच्या पानांचा वापर करू शकता. त्यांच्यामध्ये अँटीबॅक्टेरियल आणि अँटी फंगल गुणधर्म असतात ज्यामुळे केस मजबूत होतात.
आयुर्वेदात अशा अनेक गोष्टी आहेत ज्या आरोग्याशी संबंधित समस्या दूर करण्यात प्रभावी आहेत. या गोष्टींचा वापर करून तुम्ही केसांशी संबंधित समस्यांपासूनही सुटका मिळवू शकता. केस मजबूत करण्यासाठी लोक अनेक प्रकारच्या आयुर्वेदिक उपायांचा अवलंब करतात. तुळस हा आयुर्वेदिक औषधी वनस्पतींचा एक महत्त्वाचा भाग आहे. होय, केसांच्या समस्यांपासून सुटका मिळवण्यासाठी तुळशीच्या पानांचा वापर केला जाऊ शकतो. चला तर मग जाणून घेऊ या केस दाट आणि मजबूत करण्यासाठी तुळशीच्या पानांचा वापर कसा करावा.
तुळस आणि मध हेअर पॅक
तुळशीमध्ये असलेले गुणधर्म केसांसाठी खूप फायदेशीर आहेत. त्याचा हेअर पॅक तुम्ही घरी सहज बनवू शकता. यासाठी तुळशीची 10-12 पाने आणि एक चमचा मध आवश्यक आहे. यासोबत हेअर पॅक बनवण्यासाठी आधी तुळशीची पाने धुऊन घ्या आता बारीक वाटून घ्या. थोडे पाणी घालून पेस्ट पातळ करा. आता त्यात एक चमचा मध घाला. हा पॅक केसांना 20 मिनिटे लावा. नंतर पाण्याने धुऊन टाका.
तुळस आणि नारळ
हा हेअर पॅक बनवण्यासाठी तुळशीची पेस्ट बनवा. आता नारळाच्या दुधात मिसळा. हे मिश्रण उकळून घ्या, थंड झाल्यावर केसांना लावा. सुमारे 30 मिनिटांनंतर केस धुऊन घ्या.
तुळस आणि खोबरेल तेल
हा पॅक केस गळतीवर नियंत्रण ठेवण्यासाठी खूप उपयुक्त ठरू शकतो. हा पॅक बनवण्यासाठी तुळशीची पाने धुवून वाळवा. एका भांड्यात खोबरेल तेल घ्या, त्यात आवळा पावडर आणि तुळशीची पाने घाला. ते उकळून घ्या. हे तेल थंड झाल्यावर स्वच्छ डब्यात साठवा. या तेलाने तुम्ही दररोज केसांना मसाज करू शकता.
केसांसाठी तुळशीचे फायदे
तुळशीमध्ये अँटीबॅक्टेरियल आणि अँटी फंगल गुणधर्म असतात, जे हायड्रेट करण्यास मदत करतात.
तुळशीच्या वापरामुळे केसांची वाढ जलद होते. कोंड्याची समस्या दूर करण्यासाठीही ही पाने गुणकारी आहेत.
केस स्वच्छ करण्यासाठी तुम्ही तुळशीचे तेल वापरू शकता.
टीप: लेखात नमूद केलेला सल्ला आणि सूचना केवळ सामान्य माहितीच्या उद्देशाने आहेत आणि व्यावसायिक वैद्यकीय सल्ला म्हणून घेऊ नयेत. तुम्हाला काही प्रश्न किंवा समस्या असल्यास नेहमी तुमच्या डॉक्टरांचा सल्ला घ्या.
