पुन्हा वाढतोय उष्णतेचा पारा..! ‘या’ राज्यांत येणार उष्णतेच्या लाटा; पहा, काय आहे हवामान अंदाज

दिल्ली : देशाच्या काही भागात उष्णता पुन्हा वाढण्यास सुरुवात झाली आहे. दिल्ली एनसीआरमध्ये पुन्हा उष्णतेची लाट निर्माण होत आहे. तापमानात वेगाने वाढ होत राहिल्यास सोमवारपासून उष्णतेची लाट (Heat Wave) येण्याची शक्यता आहे. हवामान खात्याच्या म्हणण्यानुसार तीन दिवस तरी दिलासा मिळण्याची शक्यता नाही. यानंतर, वेस्टर्न डिस्टर्बन्सच्या सक्रियतेमुळे जोरदार वाऱ्यांमुळे उष्णतेपासून काही प्रमाणात आराम मिळू शकतो. मात्र, या आठवड्यातही पावसाची शक्यता नाही.

सोमवारी आकाश निरभ्र राहील, असा अंदाज हवामान खात्याने वर्तवला आहे. काही ठिकाणी उष्णतेची लाट येण्याची शक्यता आहे. कमाल आणि किमान तापमान (Temperature) अनुक्रमे 42 आणि 23 अंश सेल्सिअस राहण्याची शक्यता आहे. त्याचवेळी, स्कायमेट (Skymate) हवामानानुसार सोमवार ते बुधवार असे तीन दिवस उष्णतेची लाट राहील. यानंतर वेस्टर्न डिस्टर्बन्स सक्रिय झाल्यास दोन-तीन दिवस अंशत: ढगाळ वातावरण राहील आणि जोरदार वारेही वाहतील. त्यामुळे तापमानात अंशत: घट होऊन उष्णतेच्या लाटेपासून दिलासा मिळेल.

गेल्या आठवड्यात हवामानात झालेल्या बदलामुळे दिल्लीकरांना उष्णतेपासून काहीसा दिलासा मिळाला होता. डोंगरावर पडलेल्या पावसामुळे सखल भागातही ढगाळ वातावरण राहून हलका पाऊस झाला. IMD नुसार, सोमवारपासून म्हणजेच आज 18 एप्रिलपासून पुन्हा एकदा हवामानात बदल होणार आहे. या आठवडाभर हवामान स्वच्छ राहील, त्यामुळे उष्णता पुन्हा एकदा वाढू शकते. गेल्या आठवड्यात ढगाळ वातावरणामुळे तापमानात एक ते दोन अंशांनी घट झाली होती.

IMD नुसार, दिल्लीसह हरियाणा, पंजाब आणि राजस्थानमध्ये 19 एप्रिल दरम्यान वेगवेगळ्या ठिकाणी उष्णतेची लाट असेल. अशा परिस्थितीत दिल्ली एनसीआरमध्ये उष्णतेची लाट लोकांना त्रास देऊ शकते. याबरोबरच 19 आणि 20 एप्रिल रोजी सामान्यपेक्षा जास्त उष्ण वारे वाहतील अशीही नोंद करण्यात आली आहे. उष्णतेच्या लाटेमुळे तापमानातही वाढ होणार आहे. हवामान खात्यानुसार, या आठवड्यात दिल्लीचे तापमान पुन्हा एकदा 40 अंशांच्या पुढे जाऊ शकते. उष्णतेच्या लाटेमुळे तापमानात दोन ते तीन अंशांनी वाढ होऊ शकते, असे हवामान खात्याचे म्हणणे आहे. अशा स्थितीत कमाल तापमान 40 ते 43 अंशांच्या दरम्यान तर किमान तापमान 23 ते 26 अंशांच्या दरम्यान राहू शकते.

स्कायमेट हवामानानुसार, पुढील 24 तासांत आसाम, मेघालय, अरुणाचल प्रदेश, दक्षिण अंतर्गत कर्नाटक, तामिळनाडू आणि केरळमध्ये काही ठिकाणी हलका ते मध्यम पाऊस पडण्याची शक्यता आहे. उर्वरित ईशान्य भारत, उप-हिमालयीन पश्चिम बंगाल, सिक्कीम, तेलंगणा, उत्तर अंतर्गत कर्नाटक आणि दक्षिण छत्तीसगडमध्ये काही ठिकाणी हलका ते मध्यम पाऊस पडू शकतो. पुढील 24 ते 48 तासांत पश्चिम हिमालयात हलका ते मध्यम पाऊस पडण्याची शक्यता आहे.

हवामान विभागाने दिली खुशखबर ; ‘या’ राज्यातील नागरिकांना मिळणार उष्णतेपासून दिलासा