चिंतेत वाढ: महाराष्ट्रासह ‘या’ 10 राज्यांमध्ये वीज संकट वाढणार; जाणुन घ्या नेमका कारण काय?
दिल्ली – कडाक्याच्या उन्हात देशभरातील विजेचे संकट(Power crisis) गडद होण्याच्या मार्गावर आहे. यूपी, महाराष्ट्र, पंजाबसह दहा राज्यांमध्ये कोळशाचा मोठा तुटवडा आहे. दरम्यान, वाढती वीज मागणी आणि कोळशाचा तुटवडा यामुळे कपात वाढली आहे. अनेक वर्षांनंतर महाराष्ट्रात सक्तीचा भरनियमाची परिस्थिती निर्माण झाली आहे.
एका अहवालानुसार, उन्हाळा सुरू होताच देशातील वीज प्रकल्पांमधील कोळशाचा साठा नऊ वर्षांच्या नीचांकी पातळीवर पोहोचला आहे. कोरोना लॉकडाऊननंतर औद्योगिक उपक्रम पूर्वपदावर आल्यामुळे कारखाने आणि उद्योगांमध्ये विजेचा वापर वाढला आहे.
त्याचबरोबर उष्णता वाढल्याने विजेची मागणी झपाट्याने वाढणार आहे. हवामान खात्याच्या म्हणण्यानुसार उत्तर आणि मध्य भारतातील बहुतांश भागात एप्रिलमध्ये कमाल तापमान सामान्यपेक्षा जास्त राहणार आहे. त्यामुळे विजेची मागणी वाढणार आहे. देशातील अनेक भागात वीजपुरवठा खंडित होण्यास सुरुवात झाली आहे.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
विजेच्या मागणीपेक्षा तीन टक्के कमी
देशातील प्रमुख औद्योगिक गड असलेल्या महाराष्ट्रात अनेक वर्षांनंतर एवढ्या मोठ्या विजेचे संकट उभे राहिले आहे. येथे 2500 मेगावॅट वीज मागणीपेक्षा कमी आहे. राज्यात 28000 मेगावॅटची विक्रमी मागणी असून गतवर्षीपेक्षा 4000 मेगावॅट अधिक आहे. सरकारी आकडेवारीनुसार, झारखंड, बिहार, हरियाणा आणि उत्तराखंडमध्ये मागणीपेक्षा तीन टक्के कमी वीज उपलब्ध आहे.
या राज्यांमध्ये कोळशाचा तुटवडा
उत्तर प्रदेश, आंध्र प्रदेश, कर्नाटक, बिहार, मध्य प्रदेश, झारखंड, पंजाब, हरियाणा, राजस्थान आणि तेलंगणा.