LIVE Manipur Assembly Election Result 2022 : कॉंग्रेस पडली मागे..! भाजप आहे जोमात

दिल्ली : देशातील उत्तर प्रदेश (Uttar pradesh), उत्तराखंड (Uttarakhand), पंजाब (Punjab), गोवा (Goa) आणि मणिपूर (Manipur) या पाच राज्यांमध्ये (5 States election update 2022) फेब्रुवारी-मार्चमध्ये विधानसभेच्या निवडणुका होत आहेत. उत्तर प्रदेशात विधानसभेच्या 403 जागा आहेत, तर उत्तराखंडमध्ये 70 जागा आहेत. याशिवाय पंजाबमधील 117, मणिपूरमधील 60 आणि गोव्यातील 40 विधानसभा जागांवर निवडणूक होत आहेत. आज सकाळी या राज्यांमधील मतमोजणीला सुरुवात झाली आहे. अनेक ठिकाणी मतदान यंत्रात फेरफार करण्याच्या आरोपांमुळे ही निवडणूक गाजली आहे. अशावेळी कोणत्या राज्यात कोणता पक्ष सत्ता राखणं, कुठे सत्तांतर होणार किंवा कुठे वेगळेच चित्र दिसणार हे आजच्या निकालातून स्पष्ट होणार आहे. (निवडणूक निकालाच्या ताज्या अपडेट पाहण्यासाठी ही लिंक वेळोवेळी रिफ्रेश करा)

मागील पार्श्वभूमी : ईशान्येकडील 60 जागांचे राज्य असलेल्या मणिपूरच्या विधानसभेचा कार्यकाळ 19 मार्च 2022 रोजी संपत आहे. अशा स्थितीत त्यापूर्वी राज्यात सरकार स्थापनेची प्रक्रिया पूर्ण करावी लागणार आहे. 2017 च्या मणिपूर विधानसभा निवडणुकीत, भाजप 24 जागा जिंकून सर्वात मोठा पक्ष म्हणून उदयास आला. 17 आमदारांसह काँग्रेस प्रमुख विरोधी पक्ष ठरला. भाजपने एनपीपी, एलजेपी आणि अपक्ष आमदारांच्या पाठिंब्याने सरकार स्थापन केले आणि एन बिरेंदर सिंग राज्याचे मुख्यमंत्री झाले.