Tomato Price : देशात मागच्या काही दिवसांपासून टोमॅटोला मोठा भाव मिळत आहे. यामुळे शेतकऱ्यांना देखील मोठा फायदा होताना दिसत आहे.
समोर आलेल्या माहितीनुसार तेलंगणातील मेडक येथील एका शेतकऱ्याने टोमॅटो विकून 1.8 कोटी रुपये कमावले आहेत. तर दुसऱ्या एका शेतकऱ्याने 30 लाखांचा टोमॅटो विकले आहे. आपल्या राज्यात देखील काही शेतकरी टोमॅटो पिकातून मोठी कमाई करत आहे.
टाईम्स ऑफ इंडियाच्या वृत्तानुसार मेडकमधील टोमॅटो उत्पादक महिपाल रेड्डी यांनी टोमॅटोच्या विक्रीतून तब्बल 1.8 कोटी रुपये कमावले आहेत. तसेच विकाराबादच्या परगी मंडळातील शेतकरी वाय नरसिंहा रेड्डी हे दहा वर्षांपासून भाजीपाल्याची शेती करतात. काही महिन्यांपूर्वीच अचानक कोबीच्या भावात घसरण झाल्याने त्यांचे 15 लाख रुपयांचे मोठे नुकसान झाले होते.
मात्र त्याने एका झटक्यात 30 लाखांचे टोमॅटो विकले. याशिवाय, 70 लाख रुपयांच्या अतिरिक्त टोमॅटोच्या विक्रीसह ते ‘करोटीपती’ शेतकऱ्यांच्या श्रेणीत सामील होण्यास तयार आहे.
वाय नरसिम्हा रेड्डी, ज्यांनी एक दशकापूर्वी कापसाची लागवड केल्यानंतर भाजीपाला पिकवण्यास सुरुवात केली, त्यांनी TOI ला सांगितले की यावेळी मी 10 एकरमध्ये टोमॅटोची लागवड केली होती. पीक तयार झाल्यावर मला फारसा भाव मिळाला नाही. मात्र प्रचंड मागणीमुळे किमतीत भरघोस वाढ झाल्याने त्यांनी भरघोस कमाई केली आणि टोमॅटोच्या सुमारे 3,000 पेटी विकल्या.
मेडक जिल्ह्यातील जिन्नाराम मंडलातील पी रघुनंदन यांनीही हंगाम यशस्वी केला आणि त्यांच्या तीन एकर जमिनीतून 80 लाख रुपयांचे टोमॅटो विकले. जिन्नाराम मंडळाचे दुसरे शेतकरी पी वेणुगोपाल यांनी त्यांच्या टोमॅटोच्या लागवडीतून चांगली कमाई केली. तीन एकर टोमॅटोपासून त्यांना 80 लाखांचे उत्पन्न मिळाले.
टोमॅटोची बाजारपेठ या शेतकऱ्यांसाठी अनपेक्षितपणे फायदेशीर ठरली. मात्र, मुंबई, दिल्लीसह अनेक खुल्या बाजारात टोमॅटो 160 ते 200 रुपये किलोने विकला जात आहे. मात्र, या महागड्या किमतीतून जनतेला दिलासा देण्यासाठी केंद्र सरकार दिल्लीसह अनेक शहरांमध्ये सहकारी संस्थांच्या माध्यमातून 90 रुपये किलो दराने टोमॅटो उपलब्ध करून देत आहे.
