मुंबई – पाकिस्तानचा (Pakistan) कर्णधार बाबर आझम (Babar Azam) आपल्या फलंदाजीने रोज नवे आयाम लिहित आहे. काळाच्या ओघात त्याच्या फलंदाजीचा दर्जा उंचावत आहे. बाबर आझमने गेल्या पाच डावांत चार शतके झळकावली आहेत, त्याचा एकदिवसीय क्रिकेटमधला फॉर्म किती जबरदस्त आहे, हे यावरून तुम्ही समजू शकता.
बाबरने बुधवारी खेळल्या गेलेल्या तीन सामन्यांच्या मालिकेतील पहिल्या सामन्यात कारकिर्दीतील 17वे आणि सलग तिसरे शतक झळकावले. या विक्रमासह बाबर दोनदा सलग तीन शतके करणारा इतिहासातील पहिला फलंदाज ठरला आहे. आता दुसरा एकदिवसीय सामना शुक्रवारी खेळला जाणार आहे, तेव्हा बाबरच्या एका मोठ्या विक्रमाची प्रतीक्षा आहे. आणि खरंच बाबरला हा विक्रम करण्याची यापेक्षा चांगली संधी नाही. पाकिस्तानी संघ त्यांच्या घरच्या मैदानावर खेळत असेल, तर समोरचा संघ विंडीजचाही आहे, ज्यांच्याविरुद्ध बाबरने पहिल्याच सामन्यात शतक झळकावून आत्मविश्वास वाढवला आहे.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
आणि एकदिवसीय क्रिकेटमध्ये सर्वाधिक सलग शतके झळकावण्याचा हा मोठा विक्रम आहे, जो सध्या कुमार संगकाराच्या नावावर आहे. होय, जवळपास 41 वर्षांच्या एकदिवसीय इतिहासात, कुमार संगकारा हा एकमेव फलंदाज आहे ज्याने एकदिवसीय क्रिकेटमध्ये सलग चार शतके झळकावली आहेत. बाबरने दुसऱ्या एकदिवसीय सामन्यात शतक झळकावले तर तो संगकाराच्या अत्यंत खास विक्रमाची बरोबरी करेल.
संगकारानंतर सलग तीन शतके झळकावणाऱ्यांची फळी खूप मोठी आहे, पण बाकीच्यांमध्ये बाबर पहिला आहे कारण त्याने दोनदा ही कामगिरी केली आहे. झहीर अब्बास, सईद अन्वर, हर्शेल गिब्स, अब्दी व्हिलियर्स, क्विंटन डी कॉक, रॉस टेलर, जॉनी बेअरस्टो आणि विराट कोहली यांचाही सलग तीन शतके झळकावणाऱ्यांमध्ये समावेश आहे. आता करोडो पाकिस्तानी लोकांच्या नजरा बाबरवर खिळल्या आहेत. कारण असे की, सलग चौथ्या शतकासह बाबर श्रीलंकेच्या माजी दिग्गजांच्या विक्रमाची बरोबरी तर करेलच, शिवाय तो विराटसह सलग तीन शतके झळकावणाऱ्या आठ दिग्गजांनाही मागे टाकेल.
