Teerth Darshan Yojana : केंद्र आणि राज्य सरकार सर्वसामान्य जनतेसाठी सतत नवनवीन योजना जाहीर करत असते. प्रत्येक योजनेचा सर्वसामान्यांना खूप लाभ होतो. अशातच राज्य सरकारने सर्व धर्मातील ज्येष्ठ नागरिकांसाठी तीर्थ दर्शन योजनेची घोषणा केली आहे.
‘मुख्यमंत्री तीर्थ दर्शन योजना’ जाहीर करत असताना राज्याचे मुख्यमंत्री एकनाथ शिंदे म्हणाले की, या योजनेमुळे आर्थिक अडचणींमुळे तीर्थक्षेत्री जाणे अशक्य असलेल्या वृद्धांना मदत होईल. शिवसेनेचे आमदार प्रताप सरनाईक यांच्या विधानसभेत मांडलेल्या प्रस्तावाला उत्तर देताना एकनाथ शिंदे यांनी ही घोषणा केली आहे.
होणार मोठा फायदा
योजनेची घोषणा करताना एकनाथ शिंदे म्हणाले की, “मुख्यमंत्री तीर्थ दर्शन योजना सर्व धर्मातील ज्येष्ठ नागरिकांसाठी असणार आहे. या योजनेसाठी नियम केले जातील, त्याअंतर्गत सर्व धर्मातील जे ज्येष्ठ नागरिकांना स्वतःहून प्रवास करता येत नाही, त्यांना सरकार तीर्थयात्रेची सुविधा देण्यात येणार आहे.”
प्रताप सरनाईक यांनी विधानसभेत आपल्या मागणीमध्ये म्हटले आहे की, “ज्येष्ठ नागरिकांना आर्थिक अडचणीमुळे यात्रेला जाण्याचे स्वप्न पूर्ण करू शकत नाहीत, अशा परिस्थितीत त्यांना साथ देणारे कोणीही नाही. त्यांच्याकडे तीर्थयात्रेला कसे जायचे याची माहिती नाही. त्यामुळे राज्य सरकारने ज्येष्ठ नागरिकांसाठी योजना सुरू करून त्यात सर्व धर्माच्या तीर्थक्षेत्रांचा समावेश करावा.”
यापूर्वी शिंदे यांनीही महिलांसाठी ‘मुख्यमंत्री माझी लाडकी बहीण’ योजना सुरू करण्याची घोषणा केली आहे. या योजनेअंतर्गत 1 जुलैपासून सर्व पात्र महिलांना दरमहा 1500 रुपये देण्यात येतील. शिंदे यांच्या मतानुसार, राज्यातील 2.5 कोटींपेक्षा जास्त महिलांना या योजनेचा लाभ होईल. निवडणूक वर्षात राज्यातील २५ लाख महिलांना करोडपती बनवण्याचे उद्दिष्ट देखील शिंदे यांनी जाहीर केले.
