Tata Punch Facelift । टाटाची सर्वात स्वस्त SUV आता नव्या अवतारात लॉन्च होणार आहे. कंपनीची नवीन कार बाजारात उपलब्ध असणाऱ्या Hyundai Exter शी स्पर्धा करेल. जाणून घेऊयात संपूर्ण माहिती.
टाटा मोटर्स आपल्या कॉम्पॅक्ट एसयूव्ही पंचच्या फेसलिफ्ट मॉडेलवर काम करत असून 2021 मध्ये लॉन्च झाल्यानंतर प्रथमच टाटा हे वाहन अपडेट करत आहे. पंच हे बेस्ट सेलर वाहन आहे.
पंच फेसलिफ्टच्या बाह्य डिझाइनमध्ये बरेच मोठे बदल केले जातील. एक नवीन ग्रिल, नवीन हेडलाइट्स, नवीन बंपर आणि नवीन बोनेट समोर दिसेल. नवीन डिझाइन केलेले अलॉय व्हील्स यामध्ये समाविष्ट केले जाणार आहेत. नवीन पंचचे साइड प्रोफाइल बदलण्यात येईल. त्याच्या मागील लुकसह, नवीन टेल लाईट्स आणि बंपर असतील.
इंटीरियर
नवीन पंच फेसलिफ्टमध्ये इंटीरियर यावेळी खूप बदलेल. डॅशबोर्डची रचना बदलेल. कारमध्ये नवीन हेडअप डिस्प्ले असेल. आसनांची रचना बदलता येते. यात 2 स्पोक स्टीयरिंग व्हील आढळतील. यात 10.25 इंच इंफोटेनमेंट सिस्टम असणार आहे.
टाटा पंचच्या बेस मॉडेलची फीचर्स
समोरची पॉवर विंडो
समोर 2 एअरबॅग
15 इंच टायर
90 डिग्री उघडण्याचे दरवाजे
सेंट्रल लॉकिंग (की सह)
इंजिन स्टार्ट स्टॉप
मागील पार्किंग सेन्सर
ABS+EBD
टिल्ट स्टीयरिंग
इंजिन
टाटा नवीन पंच मध्ये 1.2 लीटर 3 सिलेंडर पेट्रोल इंजिन असणार आहे. कारमध्ये CNG पर्याय उपलब्ध असेल आणि EV पंच बाजारात आधीच विकले जात आहे. सध्या, विद्यमान पंचमध्ये 1.2 लीटर 3 सिलेंडर पेट्रोल इंजिन असून जे 72.5PS पॉवर आणि 103 Nm टॉर्क जनरेट करते हे इंजिन 5 स्पीड गिअरबॉक्ससह सुसज्ज असेल.
किंमत
किमतीचा विचार केला तर टाटा पंचची एक्स-शोरूम किंमत 6.13 लाख रुपयांपासून सुरू होते. पण कंपनी त्याची किंमत वाढवू शकते असे बोलले जात आहे. नवीन मॉडेल 5 स्टार सुरक्षा रेटिंगसह सुसज्ज असणार आहे.
देईल Hyundai Exter ला टक्कर
नवीन टाटा पंच ह्युंदाई एक्सेटरशी थेट स्पर्धा करू शकते. Exter मध्ये 1.2 लीटर 4 सिलेंडर पेट्रोल इंजिन दिले आहे जे 83PS ची पॉवर आणि 114Nm टॉर्क जनरेट करते. यात 5 स्पीड मॅन्युअल गिअरबॉक्स असून या वाहनाचे इंटिरिअर प्रीमियम असेल. त्यात अनेक चांगली वैशिष्ट्ये पाहायला मिळतात.
