Sudan Clashes : सुदानची ( Sudan Clashes) राजधानी खारतूममध्ये लष्कर आणि निमलष्करी दलांमध्ये झालेल्या लढाईत शुक्रवारी बॉम्बस्फोट झाले. प्रत्यक्षदर्शींनी सांगितले की, लष्कर आणि निमलष्करी दलांनी राजधानी खारतूमवर हवाई, टँक आणि तोफांनी हल्ले केले. दोघांमध्ये 72 तासांपासून युद्धविराम असल्याची माहिती आहे. मात्र, युद्धबंदी असतानाही हल्ले थांबलेले नाहीत.
15 एप्रिलपासून लष्कर आणि रॅपिड सपोर्ट फोर्सेस (RSF) यांच्यात सुरू असलेल्या सत्ता संघर्षात शेकडो लोक मारले गेले आहेत आणि हजारो लोक पलायन करत आहेत. दरम्यान, आरएसएफने ओमडुरमैन आणि माउंट आवलिया शहरांमध्ये निमलष्करी ठिकाणांवर हवाई हल्ले करून युद्धविरामाचे उल्लंघन केल्याचा आरोप केला, तर लष्कराने उल्लंघनासाठी आरएसएफला जबाबदार धरले.
72 तासांच्या युद्धविरामानंतरही चकमक सुरूच आहे
आठवड्याच्या सुरुवातीला खारतूमच्या काही भागांमध्ये लढाई थांबल्यानंतर परदेशी नागरिकांच्या स्थलांतराला वेग आला. परंतु युद्धविरामाची घोषणा होऊनही लढाई सुरूच आहे. देशात सुरू असलेल्या लढाईमुळे विविध देशांना आपल्या नागरिकांना बाहेर काढण्यात अडचणी येत आहेत.
तुर्कीच्या संरक्षण मंत्रालयाने सांगितले की, शुक्रवारी ओमडुरमैन विमानतळावर उतरत असताना त्यांच्या विमानाला आग लागली. या जाळपोळीत कोणीही जखमी झाले नाही. सुदानच्या लष्कराने आरएसएफवर या विमानावर हल्ला केल्याचा आरोप केला आहे. मात्र, आरएसएफने हा आरोप फेटाळून लावला आहे.
दरम्यान, देशातील दारफुर भागातही हिंसाचार सुरू झाला आहे. येथे, दोन दशकांआधीच्या गृहयुद्धानंतर हिंसाचार अधूनमधून होत असतो. या हिंसाचारात सोमवारपासून दारफुरमध्ये 96 लोक मारले गेले आहेत.
सुदानच्या हिंसाचारात आतापर्यंत 387 नागरिकांचा मृत्यू झाला असून 1928 जखमी झाले आहेत. दुसरीकडे, सुदान डॉक्टर्स युनियनने सांगितले की, देशात सुरू असलेल्या हिंसाचारात आतापर्यंत 387 नागरिकांचा मृत्यू झाला आहे आणि 1928 जखमी झाले आहेत. या लढाईमुळे देशात मानवतावादी संकटही निर्माण झाले आहे. देशातील 46 दशलक्ष लोकांपैकी एक तृतीयांश लोक आधीच असहाय अवस्थेत जगत आहेत. आता अनेक लोक देश सोडून पळून जात आहेत.
