Stock Market: काही दिवसापूर्वी जगातील सर्वात श्रीमंत व्यक्तीच्या यादीत तिसरा स्थानावर असणाऱ्या गौतम अदानी यांना हिंडेनबर्ग अहवालानंतर मोठा नुकसान सहन करावा लागला आहे.
तर आता दूसरीकडे आणखी एका भारतीय उद्योगपतीच्या शेअर्समध्ये मोठी घासरण पाहायला मिळत आहे
वेदांत ग्रुपचे मालक अनिल अग्रवाल यांचे शेअर्स सातत्याने घसरत आहेत. वेदांताच्या शेअर्समध्ये सलग आठ दिवस घसरण होत आहे. वेदांत ग्रुपवरील प्रचंड कर्ज हे त्याचे प्रमुख कारण आहे. जागतिक मंदीच्या भीतीमुळे जागतिक बाजाराची स्थिती डळमळीत होत आहे. त्याचबरोबर महागाई रोखण्यासाठी अनेक बँकांनी व्याजदरात वाढ केली आहे. यामुळे वेदांत ग्रुपला ना कर्ज मिळत आहे ना मोठे गुंतवणूकदार मिळत आहेत.
अलीकडेच वेदांत ग्रुपने आपली विश्वासार्हता टिकवून ठेवण्यासाठी कंपनीतील भागभांडवल विकण्याची तयारी दर्शवली होती, मात्र ती यशस्वी होऊ शकली नाही. कंपनीचे मालक अनिल अग्रवाल यांनी हिंदुस्तान झिंक लिमिटेडशी करार केला होता, मात्र सरकारने याला ग्रीन सिग्नल दिला नाही, त्यामुळे कंपनीला मोठा झटका बसला.
मूडीजने कंपनीचे रेटिंग कमी केले
ऑक्टोबर 2022 पासून वेदांत समूहाची स्थिती बिकट होत चालली आहे. रेटिंग एजन्सी मूडीजने वेदांता ग्रुपच्या वेदांत रिसोर्सेसला खराब रेटिंग दिले होते.
यानंतर कंपनीच्या कर्जाची परतफेड करण्याच्या क्षमतेवर प्रश्न उपस्थित होऊ लागले. एजन्सीने सांगितले होते की कंपनीला एप्रिल-मे 2022 मध्ये $ 900 दशलक्ष द्यायचे होते, परंतु कंपनी निधी उभारण्यात अपयशी ठरली. मूडीजने कंपनीला मार्च 2024 पर्यंत $3.8 अब्ज कर्जाची परतफेड करण्यास सांगितले आहे.
कंपनीने मूडीजचे रेटिंग बेदम असल्याचे सांगितले
कंपनीने मूडीजच्या रेटिंगला मूर्खपणा म्हटले आहे. मूडीजच्या अहवालात योग्यता नसल्याचे वेदांत रिसोर्सेसचे म्हणणे आहे. या वर्षाच्या पहिल्या सहामाहीत त्याने $1 अब्ज उभारले आहेत, तर वेदांत लिमिटेड $1.5 बिलियन उभारण्यात यशस्वी झाले आहेत.
वेळेवर कर्जाची परतफेड करत असून या वर्षी सर्व जुनी कर्जे फेडणार असल्याचे या गटाचे म्हणणे आहे. सध्या, कंपनीने 11 महिन्यांत $2 अब्ज कर्जाची परतफेड केली आहे.
कंपनीसमोर हे मोठे आव्हान
जागतिक बाजारपेठेची स्थिती पाहता कंपनीसमोर एवढ्या मोठ्या रकमेची परतफेड करणे आव्हानापेक्षा कमी नाही.कोणतेही गुंतवणूकदार कंपनीचे कर्ज फेडण्यासाठी पुढे येत नाहीत. कंपनी आपला एक हिस्सा विकून कर्ज फेडण्याचा प्रयत्न करत होती.
त्यावरही सरकारने पाणी फेरले. अशा स्थितीत कंपनीसमोर कर्ज फेडण्याचे संकट मोठे झाले आहे. तथापि, कंपनीने दावा केला आहे की ती 2023 पर्यंत सर्व कर्जाची परतफेड करेल.
