परदेशातून जय शाहसाठी आली Good News; घेण्यात आला ‘हा’ मोठा निर्णय
दिल्ली – भारतीय क्रिकेट नियामक मंडळाचे (BCCI) सचिव जय शाह (Jay Shah)2024 पर्यंत आशियाई क्रिकेट परिषदेचे (ACC) अध्यक्ष राहतील. शनिवारी (19 मार्च) झालेल्या एजीएमच्या बैठकीत हा निर्णय घेण्यात आला. एसीसीने ट्विट करून ही माहिती दिली. एजीएममध्ये सर्व सदस्यांनी एकमताने जय शहा यांचा कार्यकाळ वाढवण्याचा निर्णय घेतला. पंकज खिमजी यांना उपाध्यक्ष तर महिंदा वल्लीपुरम यांना विकास समितीचे अध्यक्ष बनवण्यात आले आहे.
एसीसीचे स्थायी सदस्य म्हणून पाच मंडळे आहेत. भारताशिवाय बांगलादेश, अफगाणिस्तान, श्रीलंका आणि पाकिस्तान हे स्थायी सदस्य आहेत. या पाच मंडळांव्यतिरिक्त, ओमान, भूतान, नेपाळ, यूएई, थायलंड, चीन, बहरीन, हाँगकाँग यासह इतर अनेक देशांच्या मंडळांचा एसीसीमध्ये समावेश आहे.
Kharediwala फॉर एव्हरीवन..! होय, आता आम्ही घेऊन आलोय आलेय इंडियन ईकॉमर्स..!
एजीएममध्ये आणखी दोन निर्णय घेण्यात आले आहेत. कतार क्रिकेट असोसिएशनला परिषदेत पूर्ण सदस्याचा दर्जा दिला जाईल. कतार क्रिकेटला पूर्वी फक्त सहयोगी दर्जा होता. याशिवाय यावर्षी होणाऱ्या आशिया चषक स्पर्धेच्या तारखांवरही शिक्कामोर्तब करण्यात आले आहे. ही स्पर्धा 27 ऑगस्ट ते 11 सप्टेंबर या कालावधीत खेळवली जाणार असून, आशिया चषक स्पर्धेचे आयोजन करण्यात येणार आहे. यावेळी त्याचे यजमानपद श्रीलंकेकडे असेल.
आशिया चषक टी-20 फॉरमॅटमध्ये खेळवला जाईल. आतापर्यंत ही स्पर्धा 14 वेळा आयोजित करण्यात आली आहे. श्रीलंकेने चार वेळा यजमानपद भूषवले आहे. 2010 नंतर प्रथमच तो या स्पर्धेचे आयोजन करणार आहे. भारतीय संघ सर्वाधिक सात वेळा चॅम्पियन बनला आहे. त्याचबरोबर श्रीलंकेला पाच वेळा विजेतेपद पटकावण्यात यश आले आहे. पाकिस्तान दोनदा चॅम्पियन बनला असून बांगलादेशला तीनदा अंतिम फेरीत पराभव पत्करावा लागला आहे.
2018 मध्ये भारत आणि बांगलादेश यांच्यात शेवटचा अंतिम सामना झाला होता. त्यानंतर टीम इंडियाने तीन विकेट्स राखून विजय मिळवला. त्या स्पर्धेत रोहित शर्मा संघाचा कर्णधार होता. विराट कोहलीच्या अनुपस्थितीत त्याने पदभार स्वीकारला होता. यावेळी रोहित पूर्णवेळ कर्णधार असणार आहे.