IND vs SL: विराट आणि धोनीला मागे सोडण्याची रोहीतला संधी; फक्त करावा लागेल ‘हे’ काम
मुंबई – भारत आणि श्रीलंकेविरुद्धच्या (IND vs Sri lanka) टी-20 मालिकेतील तिसऱ्या आणि शेवटच्या सामन्यात रोहित शर्मा (Rohit Sharma) आणखी एक खास विक्रम करू शकतो. T20 मध्ये सर्वात जलद 1000 धावा करणारा तो दुसरा कर्णधार बनू शकतो. या प्रकरणात रोहित माजी भारतीय कर्णधार महेंद्रसिंग धोनी (M.S.Dhoni) आणि विराट कोहलीला (Virat Kohli) मागे टाकू शकतो. मात्र, तरीही रोहित पाकिस्तानचा कर्णधार बाबर आझमच्या मागे असेल. बाबरने अवघ्या 26 सामन्यात हा विक्रम केला, तर रोहितला 28 व्या सामन्यात 1000 धावा पूर्ण करण्याची संधी आहे.
धोनी आणि कोहलीने भारताचे कर्णधार असताना टी-20 क्रिकेटमध्ये 1000 धावा केल्या आहेत. अशी कामगिरी करणारा रोहित हा तिसरा कर्णधार असेल. तथापि, धोनी आणि कोहलीने याहून अधिक डावांत हजार धावा केल्या होत्या, तर रोहित केवळ 28 डावांत करू शकतो.
Kharediwala घेऊन आलोय आलेय इंडियन ईकॉमर्स..!
पाकिस्तानचा बाबर पहिल्या क्रमांकावर
आंतरराष्ट्रीय T20 मध्ये कर्णधार असताना सर्वात जलद 1000 धावा करणारा बाबर आझम हा कर्णधार आहे. पाकिस्तानच्या T20 संघाचे कर्णधारपद मिळाल्यानंतर त्याने 26 मध्येच सामन्यात हजार धावा केल्या होत्या. त्याचवेळी रोहितला 28 डावांत अशी कामगिरी करण्याची संधी आहे. या मालिकेतील दुसऱ्या सामन्यात रोहितला काही विशेष करता आले नाही. अशा स्थितीत तिसऱ्या सामन्यात त्यांना सर्वोत्तम खेळी खेळून मालिका पूर्ण करायची आहे.
भारत श्रीलंकेविरुद्ध सर्वाधिक सामने जिंकू शकतो
मालिकेतील तिसऱ्या सामन्यातही भारतीय संघ श्रीलंकेला पराभूत करण्यात यशस्वी ठरला, तर हा भारताचा लंकेविरुद्धचा 17वा टी-20 विजय असेल. आंतरराष्ट्रीय T20 क्रिकेटमध्ये कोणत्याही संघाला कोणत्याही प्रतिस्पर्ध्याविरुद्ध एवढा विजय मिळवता आलेला नाही. तिसरा T20 जिंकल्यास भारत एका संघाविरुद्ध सर्वाधिक विजय मिळवणारा संघ बनेल.
यासह भारताला सलग 12 वा सामना जिंकण्याची संधी आहे. भारताने तिसर्‍या T20 मध्ये श्रीलंकेचा पराभव केल्यास हा भारताचा सलग 12वा विजय असेल. आंतरराष्ट्रीय क्रिकेटमध्ये सलग सर्वाधिक सामने जिंकण्याचा विक्रम अफगाणिस्तानच्या नावावर आहे. अफगाणिस्तानने सलग 12 टी-20 सामने जिंकले असून भारत अफगाण संघाशी बरोबरी करू शकतो.