Please wait..
Take a fresh look at your lifestyle.

लॅबुशेन फिरकी गोलंदाजांना सामोरे जाण्यासाठी सज्ज; शोधला ‘हा’ अनोखा मार्ग

मुंबई – पाकिस्तानी फिरकी गोलंदाजांचे (Pakistani Spinner) आव्हान पेलण्यासाठी ऑस्ट्रेलियाचा स्टार फलंदाज मार्नस लॅबुशेन (Marnus Labushen)हा अनोखा मार्ग अवलंबत आहे. यासंदर्भात त्यांनी एक व्हिडिओही शेअर केला आहे. लॅबुशेनने त्याच्या घराच्या मागील बाजूस सरावासाठी फिरकीसारखी परिस्थिती निर्माण करण्यासाठी चटईवर अॅल्युमिनियम आणि धातूच्या तुकड्यांमधून ट्रॅक तयार केला. यामुळे त्यांना अतिरिक्त उसळी मिळते तसेच खेळपट्टीवर आदळल्यानंतर चेंडू फिरवता येतो.

Advertisement

याबाबतचा एक व्हिडिओ त्यांनी सोशल मीडियावर टाकला आहे. लाबुशेन त्याच्या घरी फिरकी गोलंदाजीविरुद्ध मजेशीर पद्धतीने फलंदाजीचा सराव करताना दिसतो. त्याच्या या नव्या तयारीचे लोकांनी कौतुक केले आहे. एवढेच नाही तर ऑस्ट्रेलियाचा सलामीवीर डेव्हिड वॉर्नरनेही हा व्हिडिओ पाहून प्रतिक्रिया दिली आहे. वॉर्नरने कमेंटमध्ये लिहिले की ग्रीन विकेट नक्कीच होईल. यासोबत वॉर्नरने हसणारा इमोजीही शेअर केला आहे.

Advertisement

व्हिडिओमध्ये लबुशेन काय म्हणाला?
आगामी पाकिस्तान दौऱ्यात संघाला फिरकी गोलंदाजीबाबत अडचणी येऊ शकतात, असे लॅबुशेनचे म्हणणे आहे. 24 वर्षांच्या प्रदीर्घ प्रतिक्षेनंतर ऑस्ट्रेलियन संघ पाकिस्तानच्या दौऱ्यावर जात आहे. फिरकीच्या बाबतीत तो कोणत्या प्रकारच्या आव्हानाचा सामना करेल हे लॅबुशेनला माहीत नाही. गेल्या महिन्यात अॅशेसमध्ये इंग्लंडला 4-0 ने पराभूत केल्यानंतर ऑस्ट्रेलिया आता जगातील नंबर वन कसोटी संघ आहे. दक्षिण आफ्रिकेत जन्मलेला लॅबुशेन त्याचा मार्गदर्शक स्टीव्ह स्मिथसह कसोटी क्रिकेटमधील अव्वल फलंदाजांपैकी एक आहे.

Loading...
Advertisement

Kharediwala घेऊन आलोय आलेय इंडियन ईकॉमर्स..!

Advertisement

ऑस्ट्रेलियन संघ 24 वर्षांनंतर पाकिस्तान दौऱ्यावर
लबुशेन कसोटी क्रिकेटमध्ये तिसऱ्या क्रमांकावर फलंदाजी करतो. त्याने आतापर्यंत 23 कसोटीत 2 हजार 220 धावा केल्या आहेत. यामध्ये सहा शतके आणि 12 अर्धशतकांचा समावेश आहे. याशिवाय 13 एकदिवसीय सामन्यांमध्ये त्याने 473 धावा केल्या आहेत. पाकिस्तान दौऱ्यावर ऑस्ट्रेलियन संघ तीन कसोटी सामने, तीन एकदिवसीय आणि एक टी-20 सामन्यांची मालिका खेळणार आहे. ऑस्ट्रेलियाचा पाकिस्तान दौरा 3 मार्च ते 5 एप्रिल दरम्यान होणार आहे.

Advertisement

ऑस्ट्रेलिया संघ : पॅट कमिन्स (कर्णधार), अॅश्टन आगर, स्कॉट बोलँड, अॅलेक्स कॅरी, कॅमेरॉन ग्रीन, मार्कस हॅरिस, जोश हेझलवूड, ट्रॅव्हिस हेड, जोश इंग्लिस, उस्मान ख्वाजा, मार्नस लॅबुशेन, नॅथन लायन, मिशेल मार्श, स्टीव्ह स्मिथ (उप- कर्णधार), मिचेल स्टार्क, मार्क स्टिकेटी, मिचेल स्वेपसन, डेव्हिड वॉर्नर.

Advertisement
Advertisement

Leave a Reply