अर्र… लग्नाआधीच विनीच्या नातेवाईकांवर नाराज झाला मॅक्सवेल; जाणुन घ्या प्रकरण
मुंबई – ऑस्ट्रेलियाचा (Australia) अष्टपैलू खेळाडू ग्लेन मॅक्सवेल (Glen Maxwell) लग्नापूर्वी अनेक समस्यांना तोंड देत आहे. मॅक्सवेलने भारतीय वंशाच्या विनी रमनची (Vini Raman) जीवनसाथी म्हणून निवड केली आहे. अशा परिस्थितीत विनीचे भारतीय नातेवाईक मॅक्सवेलच्या अडचणी वाढवत आहेत. काही दिवसांपूर्वी मॅक्सवेलच्या लग्नाची पत्रिका सोशल मीडियावर व्हायरल झाली होती. हे कार्ड तमिळ भाषेत छापलेले होते आणि त्यात देवतांची चित्रेही होती.
लग्नपत्रिका व्हायरल झाल्यानंतर मॅक्सवेलने आता लग्नस्थळी सुरक्षा वाढवावी लागेल असे म्हटले आहे. मॅक्सवेल 27 मार्चला मेलबर्नमध्ये विनी रमनसोबत लग्न करणार आहे. हा विवाह तामिळ रितीरिवाजांनुसार होऊ शकतो.
विनीच्या नातेवाईकाने हे कार्ड व्हायरल केले
cricket.com.au शी केलेल्या संभाषणादरम्यान मॅक्सवेलने सांगितले की, लग्नाचे व्हायरल झालेले कार्ड फार चांगले नाही. लग्न हा दोन कुटुंबांचा विषय आहे. आम्ही विनीच्या नातेवाईकांना लग्नाचे आमंत्रण पाठवले होते, त्यांनी उत्साहित होऊन त्यांच्या काही मित्रांना कार्ड दाखवले आणि लग्नाची पत्रिका सोशल मीडियावर व्हायरल झाली. भारतातील वर्तमानपत्रांपासून ट्विटरपर्यंत सर्वत्र हे कार्ड पोहोचले आहे. मॅक्सवेलच्या लग्नाची पत्रिका कस्तुरी शंकर यांनी ट्विटरवर शेअर केली होती. कार्ड शेअर करण्यासोबतच तमिळ रितीरिवाजांनुसार लग्न होऊ शकते, असेही त्यांनी सांगितले.
Kharediwala घेऊन आलोय आलेय इंडियन ईकॉमर्स..!
आयपीएलच्या सुरुवातीच्या सामन्यांपासून दूर राहू शकतो मॅक्सवेल
ग्लेन मॅक्सवेलचे लग्न 27 मार्चला आहे, तर आयपीएल 2022 मार्चच्या शेवटच्या आठवड्यात सुरू होणार आहे. अशा परिस्थितीत मॅक्सवेल आयपीएलच्या सुरुवातीच्या सामन्यांपासून दूर राहू शकतो. त्यांनी यापूर्वीच पाकिस्तान दौरा करण्यास नकार दिला होता. ऑस्ट्रेलियाचा संघ मार्च आणि एप्रिल महिन्यात पाकिस्तानचा दौरा करणार आहे. मॅक्सवेल हा ऑस्ट्रेलियाच्या कसोटी संघाचा भाग नाही, पण तो एकदिवसीय आणि टी-20 मध्ये खेळणार हे जवळपास निश्चित होते.