IPL 2022: प्लेइंग-11 मध्ये आठव्या क्रमांकावर नाव पाहून जडेजा संतापला, म्हणाला …
मुंबई – भारताचा स्टार अष्टपैलू रवींद्र जडेजा( ravindra jadeja) सध्या दुखापतीमुळे भारतीय संघाबाहेर आहे. पण सोशल मीडियाच्या माध्यमातून तो सतत क्रिकेट आणि त्याच्या चाहत्यांशी जोडला जातो. चेन्नई सुपर किंग्जने आयपीएल लिलावापूर्वी 16 कोटी रुपयांच्या रकमेसह जडेजाला कायम ठेवले आणि आता तो नवीन हंगामासाठी स्वत: ला तयार करण्यात व्यस्त आहे. चेन्नईने जडेजा व्यतिरिक्त महेंद्रसिंग धोनी, ऋतुराज गायकवाड आणि मोईन अली यांना कायम ठेवले आहे. लिलावापूर्वी धोनी चेन्नईला पोहोचला आहे.
IPL 2022 चा मेगा लिलाव पुढील महिन्याच्या 12 आणि 13 फेब्रुवारी रोजी होणार आहे ज्यामध्ये 10 फ्रँचायझी भाग घेतील आणि 200 हून अधिक खेळाडूंसाठी बोली लागणार आहे. हे पाहता अनेक फ्रँचायझींनी त्यांच्या चाहत्यांसाठी मॉक ऑक्शनही सुरू केले आहेत.
दरम्यान, आयपीएलचे अधिकृत प्रसारक स्टार स्पोर्ट्सने चाहत्यांना चेन्नई सुपर किंग्जसाठी प्लेइंग इलेव्हन निवडण्यास सांगितले. ब्रॉडकास्टर्सच्या तमिळ ट्विटर अकाउंटने प्लेइंग इलेव्हनचा एक फोटो पोस्ट केला, ज्यामध्ये राखून ठेवलेल्या खेळाडूंना चार वेगवेगळ्या ठिकाणी ठेवण्यात आले होते. यामध्ये ऋतुराज गायकवाड पहिल्या, मोईन अली तिसऱ्या, एमएस धोनी सातव्या आणि रवींद्र जडेजा आठव्या क्रमांकावर आहे.
हे ट्विट पाहिल्यानंतर जडेजाने कमेंट केली आणि पहिल्या पोस्टचे भाषांतर करण्यास सांगितले आणि त्यानंतर दुसरे ट्विटमध्ये लिहिले की 8 व्या क्रमांकावर थोडे लवकर होणार, मला 11 वर ठेवा. त्याचा हा ट्विट तुफान व्हायरल होत आहे. फॅन्स देखील आपली प्रतिक्रिया देत आहे.