आणि वसीम जाफरने वॉनला पुन्हा दिला ‘हा’ भन्नाट उत्तर, जाणून घ्या संपूर्ण प्रकरण

मुंबई – दक्षिण आफ्रिकेविरुद्धच्या तिसऱ्या कसोटी सामन्यात (SA vs IND) भारताला पराभवाचा सामना करावा लागला. तिसऱ्या कसोटीतील पराभवामुळे भारताला मालिकेत 1-2 असा पराभव पत्करावा लागला. या पराभवानंतर इंग्लंडचा माजी कर्णधार मायकेल वॉनने (Michael Vaughan) पुन्हा एकदा ट्विट करत वसीम जाफरला (Wasim Jaffer) ट्रोल करण्याचा प्रयत्न केला.

वॉनने ट्विट करून लिहिले, ‘संध्याकाळ, जाफर, फक्त तुम्ही ठीक आहात का ते तपासत आहे.’ वसीम जाफरनेही वॉनच्या या ट्विटवर प्रतिक्रिया देत भन्नाट उत्तर दिले. जाफरने उत्तर दिले आणि लिहिले, हाहा, ठीक आहे मायकेल, पण हे विसरू नका की आम्ही अजूनही तुमच्यापेक्षा २-१ ने पुढे आहोत. या ट्विटनंतर जाफरने हसणारा इमोजीही शेअर केला आहे. मायकल वॉन आणि वसीम जाफर सोशल मीडियावर एकमेकांना ट्रोल करण्याची एकही संधी सोडत नाहीत. अशा परिस्थितीत आता दक्षिण आफ्रिकेतील मालिकेत भारताला पराभवाला सामोरे जावे लागले असताना माजी इंग्लिश कर्णधाराने संधी साधून जाफरला ट्रोल केले.

मागच्या वर्षी इंग्लंडमध्ये सुरू असलेल्या पाच कसोटी सामन्यांची मालिका मध्ये सध्या भारत 2-1 ने पुढे आहे. या मालिकेचा पाचवा आणि शेवटाचा सामना बर्मिंगहॅम येथे 01 जुलै ते 05 जुलै 2022 या कालावधीत खेळवला जाणार आहे. मागच्या वर्षी पाचव्या कसोटीपूर्वी कोरोनाने भारतीय संघात एन्ट्री केली होती. त्यानंतर (BCCI) ने दौरा मध्यंतरी रद्द केला होता.

दक्षिण आफ्रिका आणि भारत यांच्यातील तिसऱ्या कसोटी सामन्यात आफ्रिकेने भारताचा 7 विकेटने पराभव करून ही मालिका आपल्या खिश्यात घातली आहे.(And Wasim Jaffer gave Vaughn a resounding ‘This’ answer, knowing the whole affair)