टी 20 विश्वचषक: टीम इंडियाचे ट्रम्प कार्ड ठरेल `हा` मिस्ट्री स्पिनर.. कोण आहे तो खेळाडू

नवी दिल्ली : टी -20 विश्वचषक सुरू झाला आहे. भारत हा पाकिस्तानविरुद्धच्या सामन्यांपासून  आपल्या मोहिमेला सुरुवात करेल. हा सामना 24 ऑक्टोबर रोजी दुबई आंतरराष्ट्रीय क्रिकेट स्टेडियमवर खेळला जाईल. याआधी भारतीय संघ व्यवस्थापनासाठी दोन मोठ्या समस्या आहेत वरुण चक्रवर्ती आणि हार्दिक पंड्या यांचा फिटनेस. सध्या वैद्यकीय पथक या दोघांवर मेहनत घेत आहे. दोघेही भारताच्या या मोहिमेचे स्टार खेळाडू आहेत.

वरुण सध्या गुडघेदुखीशी झुंज देत आहे. त्याचवेळी, कमरेच्या ऑपरेशननंतर हार्दिक गोलंदाजीसाठी तंदुरुस्त होऊ शकले नाही. या विश्वचषकात मिस्ट्री स्पिनर म्हणून प्रसिद्ध असलेल्या वरुणची भूमिका खूप महत्त्वाची असेल. महत्त्वाच्या सामन्यांमध्ये संघ त्याला ट्रम्प कार्ड म्हणून वापरू शकतो. याचा खुलासा खुद्द बीसीसीआयच्या एका अधिकाऱ्याने केला आहे.

एका अधिकाऱ्याने वृत्तसंस्थेला सांगितले की, टीम व्यवस्थापन सतत वैद्यकीय टीमच्या संपर्कात आहे. वरुणला फिट ठेवण्यासाठी सर्वतोपरी प्रयत्न केले जात आहेत. टीम मॅनेजमेंटला वरुणला पाकिस्तान आणि न्यूझीलंडसारख्या महत्त्वाच्या सामन्यांसाठी तंदुरुस्त असावे असे वाटते. पाकिस्तानने आजपर्यंत वरुणचा सामना केलेला नाही. अशा परिस्थितीत त्याची फिरकी प्रभावी ठरू शकते.

वरुण टी -20 फॉरमॅटचा मॅच विनर आहे. संघाला माहीत आहे की त्याची चार षटके सामन्याची दिशा बदलू शकतात. वैद्यकीय टीम सध्या त्याच्यावर काम करत आहे आणि वरुणही यामध्ये खूप मदत करत आहे. तो ट्रम्प कार्ड आहे आणि कर्णधार विराट कोहलीही त्याचा वापर करेल.

वरुणचा वापर केवळ स्पर्धेच्या महत्त्वाच्या सामन्यांमध्ये केला जाईल. जो सामना टीम इंडियाला जिंकण्यासाठी पूर्णपणे आवश्यक आहे, तो सामना वरुण खेळेल असे त्या अधिकाऱ्याने सांगितले.