SIP Tips : जवळपास प्रत्येकजण आपल्या सुरक्षित भविष्यासाठी कोठे ना कोठे गुंतवणूक करतात. कमी वेळेत जास्त परतावा देणाऱ्या योजनांमध्ये गुंतवणूक करण्याकडे सर्वांचा कल असतो. तुम्ही आता अशाप्रकारे पैसे गुंतवले तर तुम्ही काही वर्षात करोडपती होऊ शकता.
5000 रुपयांपासून करता येईल गुंतवणूक
तुम्ही 20 वर्षे SIP मध्ये दरमहा रु 5000 गुंतवले तर तुम्हाला या वेळेत सुमारे 50 लाख रुपयांचा निधी तयार करता येईल. जेव्हा ते 12 टक्के वार्षिक परतावा देते तेव्हा हे होईल. यावेळी तुम्हाला 12 लाख रुपयांची गुंतवणूक करता येईल. 12 टक्के परताव्यासह तुमची 20 वर्षांत व्याजाची रक्कम सुमारे 38 लाख रुपये होईल. अशा प्रकारे 20 वर्षांत एकूण 50 लाख रुपये मिळू शकते.
असे होऊ शकता करोडपती
तुम्हाला जर एसआयपी करून करोडो रुपयांची कमाई करायची असेल तर तुम्ही सामान्य एसआयपी नव्हे तर टॉप-अप एसआयपी निवडू शकता. टॉप-अप एसआयपी म्हणजे गुंतवलेली रक्कम दरवर्षी वाढवावी लागते, हे लक्षात ठेवा. जर तुम्ही दरमहा रु 5000 गुंतवले आणि त्यात दरवर्षी 10% वाढ केल्यास एक वर्षानंतर तुम्हाला प्रत्येक महिन्याला 5500 रुपये जमा करावे लागणार आहेत.
एका वर्षानंतर, ही रक्कम पुन्हा 10 टक्के वाढवा. आता पुढील वर्षात ही रक्कम दरमहा ६०५० रुपये इतकी होऊ शकते. अशा प्रकारे तुम्हाला 20 वर्षांसाठी दरवर्षी 10 टक्के रक्कम वाढवावी लागणार आहे. गुंतवणुकीच्या या प्रक्रियेला टॉप-अप एसआयपी असे म्हटले जाते.
अशा प्रकारे तुम्हाला 20 वर्षांत सुमारे 34.36 लाख रुपयांची गुंतवणूक करता येईल. यावर सुमारे 65.08 लाख रुपये वार्षिक 12 टक्के दराने व्याज मिळू शकेल. अशा प्रकारे तुम्हाला 20 वर्षांमध्ये सुमारे 1 कोटी रुपये (99.44 लाख रुपये) निधी तयार करता येईल.
लक्षात ठेवा या गोष्टी
हे लक्षात घ्या की SIP मध्ये गुंतवणूक करणे धोक्याचे आहे. हे शेअर मार्केटशी जोडले असून अशा स्थितीत खूप चढ-उतार असतात.
समजा बाजार घसरला तर काळजी नका. केवळ दीर्घकालीन गुंतवणुकीसाठी या ठिकाणी गुंतवणूक करा.
तुमच्या SIP पोर्टफोलिओचे सतत पुनरावलोकन करत रहा.
