Side Effects of Using Phone at Night : आजच्या काळात आपल्या देशाने मोबाईल नेटवर्किंगच्या माध्यमातून खूप प्रगती केली आहे, त्याचवेळी त्याच्या वापरामुळे आपल्याला अनेक समस्यांना (Side Effects of Using Phone at Night) तोंड द्यावे लागत आहे. आजच्या युगात प्रत्येकाला फोन वापरण्याचे व्यसन लागले आहे. मोबाइलचा वापर आपल्या सुविधांमध्ये वाढ करत असताना त्याचवेळी त्याच्या अतिवापरामुळे आपल्याला अनेक आजार होत आहेत. गरज असेल तेव्हा वापरण्यात अजिबात गैर नाही पण, गरज नसतानाही मोबाइल वापरत असाल तर यातून वेळही वाया जातो आणि आरोग्याच्या अनेक समस्या निर्माण होण्याचा धोका वाढतो.
वेळ घालवण्यासाठी याचा वापर केल्याने आपले डोळे आणि मेंदू दोघांनाही हानी पोहोचते. आजकाल, दिवसभर धावपळ केल्यावर बहुतेक लोक रात्रीच्या वेळी त्यांच्या मोबाइलवर त्यांचा आवडता कार्यक्रम पाहतात किंवा कोणताही गेम खेळण्यास सुरुवात करतात, परंतु दररोज रात्री अशा सवयीमुळे पुरेशी झोप होत नाही. त्यामुळे आपण गंभीर आजारांना आमंत्रण देत आहोत. सतत मोबाइल स्क्रिन पाहत राहिल्याने त्याचा डोळ्यांवर विपरीत परिणाम होतो. रात्री उशिरा स्मार्टफोन वापरल्याने केवळ आपल्या डोळ्यांवरच नाही तर शरीराच्या इतर भागांवरही परिणाम होतो.
डोळे खराब होतात
रात्री मोबाइलचा सतत वापर केल्याने डोळ्यांना इजा होते. दिवसभराच्या कामानंतर जेव्हा तुम्ही तुमचा मोबाइल पाहता तेव्हा त्याची चमक आणि तुमच्या डोळ्यांना विश्रांती न मिळाल्याने तुमचे डोळे कोरडे होऊ लागतात आणि खराब होतात.
डोकेदुखी समस्या
रात्री स्मार्टफोनचा सतत वापर डोकेदुखीचे कारण बनतो. त्यातून निघणाऱ्या विविध रंगांच्या लाइट्सचा दुष्परिणाम डोळ्यांच्या रेटिनाला नुकसान पोहोचवतो, त्यामुळे दृष्टी खराब होते. यामुळे डोळ्यांमध्ये लालसरपणा आणि खाज येऊ शकते आणि दृष्टीवरही परिणाम होऊ शकतो.
निद्रानाश समस्या
रात्री उशिरापर्यंत स्मार्टफोनचा सतत वापर केल्याने निद्रानाश होतो. याच्या वापरामुळे आपल्या शरीरात मेलाटोनिन हार्मोनची कमतरता निर्माण होते, ज्यामुळे आपल्याला इच्छा असूनही रात्री झोप येत नाही.
मानसिक अस्थिरता
रात्री स्मार्टफोन वापरल्याने आपल्या मेंदूवर खूप वाईट परिणाम होतो. यामुळे आपल्याला विस्मरणाचा त्रास होऊ लागतो आणि चिडचिडही होते.
तणाव आणि चिंता
स्मार्टफोनच्या सतत वापरामुळे आपल्याला नेहमीच तणाव जाणवतो. तसेच आपण इतरांच्या जीवनाकडे पाहून तुलना करतो. आपल्याला असे वाटते की आपण अनेक प्रकारच्या काळजींनी वेढलेले आहोत.
डार्क सर्कल
रात्री उशिरा स्मार्टफोन वापरल्याने डोळ्यांखाली काळी वर्तुळे येतात. ज्यामुळे चेहरा खराब होतो.
टीप: लेखात नमूद केलेला सल्ला आणि सूचना केवळ सामान्य माहितीच्या उद्देशाने आहेत आणि व्यावसायिक वैद्यकीय सल्ला म्हणून घेऊ नयेत. आपल्याला काही प्रश्न किंवा चिंता असल्यास, नेहमी आपल्या डॉक्टरांचा सल्ला घ्या.
