मुंबई – ऋषभ पंतच्या (Rishabh pant) नेतृत्वाखालील दिल्ली कॅपिटल्सने (Delhi capitals) बुधवारी रात्री राजस्थान रॉयल्सवर (Rajshthan Royal) 8 गडी राखून विजय मिळवून प्लेऑफमध्ये पोहोचण्याच्या त्यांच्या आशा जिवंत ठेवल्या.
दिल्लीच्या या विजयात सलामीवीर डेव्हिड वॉर्नर (David Warner) आणि मिचेल मार्श (Mitchell Marsh) यांनी महत्त्वाची भूमिका बजावली. दोन्ही खेळाडूंनी अर्धशतकी खेळी खेळताना दुसऱ्या विकेटसाठी 144 धावांची शानदार भागीदारी केली आणि संघाला महत्त्वपूर्ण विजय मिळवून दिला. डेव्हिड वॉर्नरने राजस्थानविरुद्ध 52 धावांची नाबाद इनिंग खेळली, यादरम्यान एक घटना घडली, जे पाहून चाहतेही हैराण झाले.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
वास्तविक, 9वे षटक आणणाऱ्या युझवेंद्र चहलने डेव्हिड वॉर्नरला आपल्या नेटमध्ये झेलबाद केले, ओव्हरच्या शेवटच्या चेंडू वॉर्नरच्या बॅट आणि पॅडमधून बाहेर आला आणि थेट स्टंपवर गेला. चेंडू स्टंपला आदळल्यानंतर, बेल्सने किंचित हरकत केली, मात्र त्यानंतर पुन्हा जमिनीवर पडण्याऐवजी, पुन्हा त्याच्या जागी थांबले. राजस्थान रॉयल्सचा कर्णधार संजू सॅमसनसह युझवेंद्र चहलही हे दृश्य पाहून आश्चर्यचकित झाले, तर वॉर्नरलाही चेंडू विकेटला लागला हे माहीत नव्हते. आता वॉर्नरला लकी म्हणायचं की युझवेंद्र चहलला दुर्दैवी?.
या घटनेनंतर राजस्थान रॉयल्सने त्यांच्या ट्विटर अकाऊंटवरून प्रतिक्रिया व्यक्त केल्या, तर इतर अनेक ट्विटर वापरकर्त्यांनीही या क्षणाबाबत त्यांच्या प्रतिक्रिया दिल्या.
सामन्याबद्दल बोलायचे झाले तर राजस्थान रॉयल्सने प्रथम फलंदाजी करताना दिल्ली कॅपिटल्ससमोर 161 धावांचे लक्ष्य ठेवले होते. आरआरकडून अश्विनने अर्धशतक झळकावले, तर पडिक्कलने 48 धावा केल्या. दिल्लीने हे लक्ष्य 11 चेंडू राखून पूर्ण केले. मार्शने 89 आणि वॉर्नरने नाबाद 52 धावा केल्या.
