मुंबई – तेल कंपन्यांनी शनिवारी पेट्रोल आणि डिझेलचे नवे दर (Petrol Diesel Price Today) जाहीर केले आहेत. आज पेट्रोल आणि डिझेलचे दर स्थिर ठेवण्यात आले आहेत. दिल्लीत पेट्रोल 96.72 रुपये प्रति लीटर तर डिझेल 89.62 रुपये प्रति लीटर दराने विक्री होत आहे. त्याच वेळी पोर्ट ब्लेअरमध्ये सर्वात स्वस्त पेट्रोल 84.10 रुपये आणि डिझेल 79.74 रुपये लिटर आहे.
सर्वसामान्यांना मोठा दिलासा देत केंद्र सरकारने पेट्रोल आणि डिझेलवरील उत्पादन शुल्कात (Excise Duty) अनुक्रमे 8 रुपये आणि 6 रुपये प्रति लिटर कपात करण्याची घोषणा केली होती. जेणेकरून पेट्रोल आणि डिझेलच्या किमती कमी होतील. यामुळे पेट्रोलच्या दरात किमान 9.5 रुपये आणि डिझेलच्या दरात 7 पर्यंत घसरण झाली आहे. तेव्हापासून तेलाच्या किमती स्थिर आहेत.
दिल्लीत पेट्रोल 96.72 रुपये आणि डिझेल 89.62 रुपये प्रति लिटर आहे. मुंबईत पेट्रोल 111.35 रुपये आणि डिझेल 97.28 रुपये प्रति लिटर आहे. कोलकात्यात पेट्रोल 106.03 रुपये आणि डिझेल 92.76 रुपये प्रति लिटर मिळत आहे. चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर आहे. लखनऊमध्ये पेट्रोल 96.57 रुपये आणि डिझेल 89.76 रुपये प्रति लिटर आहे. पाटण्यात पेट्रोल 107.24 रुपये प्रति लिटर आणि डिझेल 94.04 रुपये आहे. भोपाळमध्ये पेट्रोल 108.65 रुपये आणि डिझेल 93.90 रुपये प्रति लिटर आहे. पोर्ट ब्लेअरमध्ये पेट्रोल 84.10 रुपये आणि डिझेल 79.74 रुपये प्रति लिटर या दराने विक्री होत आहे.
देशातील कच्च्या तेलाच्या (Crude Oil) करारातून पंपावर विकले जाणारे पेट्रोलचे 22 दिवसांचे नियोजन असते म्हणजेच महिन्याच्या 1 तारखेला खरेदी केलेले कच्चे तेल 22 तारखेला पंपावर पोहोचते. कच्च्या तेलावर प्रक्रिया करण्याचा खर्च एक लिटर किरकोळ तेलाच्या किंमतीमध्ये समाविष्ट केला जातो, त्यानंतर जेव्हा ते रिफायनरीतून बाहेर पडते तेव्हा त्याची मूळ किंमत निश्चित केली जाते. त्यानंतर तेथून तेल पंपापर्यंत पोहोच करण्याचा खर्च (Transportation Charges), केंद्र व राज्याचे कर तसेच डीलरचे कमिशनही (Dealer Commission) जोडले जाते. या सर्वाचा खर्च नागरिकांकडून वसूल केला जातो.
मोठा दिलासा..! पेट्रोल-डिझेल दराबाबत तेल कंपन्यांनी घेतला ‘हा’ निर्णय; जाणून घ्या..
