Samsung Galaxy Flip 6 : स्मार्टफोन खरेदी करणाऱ्यांसाठी एक आनंदाची बातमी आहे, कारण आता बाजारात लवकरच Samsung Galaxy Flip 6 हा फोन लाँच होणार आहे. पण लाँचपूर्वीच Samsung च्या नवीन फोनची फीचर्स लीक झाली आहेत.
Galaxy Z मालिकेतील फोन भारतीय मानक ब्युरो अर्थात BSI च्या साइटवर दिसले आहेत. Galaxy Z Fold 6 ला नुकतेच BIS प्रमाणपत्र मिळाले आहे, याचा अर्थ Galaxy Z Flip 6 देखील लवकरच सादर केला जाईल. कारण लॉन्च करण्यापूर्वी स्मार्टफोन्ससाठी प्रमाणपत्र आवश्यक आहे.
Samsung Galaxy Z Flip 6 चे फीचर्स
Galaxy Z Flip 6 यावेळी 3.4-इंच कव्हर डिस्प्लेसह लाँच होईल आणि प्राथमिक डिस्प्ले सुमारे 6.7-इंचाचा असू शकतो. Z Flip 6 आणि Z Fold 6 दोन्ही स्नॅपड्रॅगन 8 Gen 3 चिपसेटसह जागतिक बाजारात येण्याची शक्यता वर्तवली जात आहे. लाइट ब्लू, लाइट ग्रीन, सिल्व्हर आणि यलो या चार रंगांच्या पर्यायांमध्ये तुम्हाला खरेदी करता येईल.
मिळेल जबरदस्त बॅटरी
कंपनीचा हा स्मार्टफोन मोठ्या 3,880mAh बॅटरीसह येऊ शकतो जो Z Flip 5 च्या बॅटरीमध्ये अपग्रेड असणार आहे. या फोनमध्ये 25W चाग्रीन सपोर्ट दिसू शकतो. फोन नवीनतम Android 14-आधारित OneUI स्किनवर चालू शकते आणि 12 GB RAM सह 256 GB RAM सह मानक प्रकारात ऑफर केले जाईल.
या शानदार फोनच्या कॅमेऱ्याबद्दल बोलायचे झाले तर, स्मार्टफोनला EIS सपोर्टसह 50 MP प्राइमरी शूटर मिळेल. तर त्याच्या मागील मॉडेलच्या तुलनेत हे एक मोठे अपग्रेड असणार आहे ज्याने 12 एमपी कॅमेरा ऑफर केला होता. असे दिसते की Z Flip 6 Oppo Find N3 Flip शी स्पर्धा करेल. सॅमसंगने अजूनही फोनच्या कोणत्याही स्पेसिफिकेशन किंवा लीकची पुष्टी केली नसली तरी, असे म्हटले जात आहे की कंपनी येत्या काही दिवसांत त्यासंदर्भात लवकरच मोठी घोषणा करू शकते.
