Russia Ukraine War : युक्रेन युद्धामुळे निर्वासितांचे (Russia Ukraine War) संकट अधिक गडद होत आहे. लाखो बेघर लोक सुरक्षित देशात आश्रयासाठी रांगेत उभे आहेत. भुकेल्या आणि तहानलेल्या लोकांना कसे तरी युक्रेन (Ukraine) सोडून बाहेर जायचे आहे. निर्वासितांचे संकट (Refugee Crisis) अधिक गडद होण्याची भीती असताना युरोपियन युनियनने युक्रेनला मदत (European Union Helps Ukraine) देण्याचा निर्णय घेतला आहे. त्याचवेळी रशियाने (Russia) पुन्हा चर्चेची मागणी केली आहे. रशियाचे म्हणणे आहे की, ‘अजून काहीही बिघडलेले नाही, याबद्दल बोलता येईल’. पुढील वर्षी युक्रेनला 18 अब्ज युरो आर्थिक मदत देण्याच्या योजनेला युरोपियन युनियन (EU) नेत्यांनी शुक्रवारी मंजुरी दिली.
तत्पूर्वी, युक्रेनचे अध्यक्ष वोलोडिमिर झेलेन्स्की (Volodymyr Zelensky) यांनी इशारा दिला होता की रशिया आपल्या देशातील ऊर्जा पायाभूत सुविधा नष्ट करून निर्वासितांचे संकट भडकवण्याचा प्रयत्न करत आहे. EU च्या नेत्यांच्या शिखर परिषदेत मंजूर केलेली ही योजना, मासिक हप्त्यांच्या स्वरूपात युक्रेनसाठी अमेरिकेच्या आर्थिक मदतीसारखीच असेल. युरोपियन कमिशनच्या अध्यक्षा उर्सुला वॉन डेर लेन यांनी सांगितले, की युक्रेनने आम्हाला सांगितले आहे की त्यांना मूलभूत सुविधा राखण्यासाठी दरमहा सुमारे 3-4 अब्ज युरो आवश्यक आहेत.”
आंतरराष्ट्रीय वित्तीय संस्थांद्वारे प्रदान केलेल्या अतिरिक्त निधीसह ही संख्या EU आणि US द्वारे समान रीतीने पूर्ण केली जाईल, असे लीन म्हणाले. लीन यांनी पत्रकारांना सांगितले की, युक्रेनसाठी सतत उत्पन्नाची योग्य व्यवस्था असणे अत्यंत महत्त्वाचे आहे. ते म्हणाले की EU दरमहा सुमारे 1.5 अब्ज युरो देऊ इच्छित आहे. EU वित्त मंत्र्यांना एकत्रितपणे निधी उभारण्यासाठी एक प्रणाली तयार करण्याचे काम देण्यात आले आहे. नागरिक आणि पायाभूत सुविधांवर रशियाच्या हल्ल्यांचाही लेन यांनी निषेध केला.
गेल्या आठ महिन्यांच्या युद्धात रशियाने युक्रेनची वीज केंद्रे, पाणीपुरवठा लाईन्स, प्लांट्स आणि इतर प्रमुख पायाभूत सुविधांना मिसाइल आणि ड्रोन हल्ल्यांसह लक्ष्य केले आहे. गुरुवारी झेलेन्स्की म्हणाले की “रशियन क्रूझ क्षेपणास्त्रे आणि लढाऊ ड्रोनच्या हल्ल्यांमुळे आमच्या एक तृतीयांश ऊर्जा पायाभूत सुविधांचा नाश झाला आहे.” हे युक्रेनच्या लोकांना लक्ष्य करत आहे आणि त्यांना युरोपियन देशांमध्ये आश्रय घेण्यास भाग पाडत आहे.
रशियाचे राष्ट्राध्यक्ष व्लादिमीर पुतिन (Vladimir Putin) हे युक्रेनबरोबर सुरुवातीपासून चर्चेच्या बाजूने होते आणि या संदर्भात काहीही बदललेले नाही. रशियन सरकारचे प्रवक्ते दिमित्री पेस्कोव्ह म्हणाले, की “तुम्हाला आठवत असेल तर, विशेष लष्करी कारवाईआधीच राष्ट्राध्यक्ष पुतिन यांनी नाटो (NATO) आणि अमेरिका (America) या दोघांशी चर्चा सुरू करण्याचा प्रयत्न केला. याबाबतीत काहीही बदल झालेला नाही.
- Must Read : Russia Ukraine War : झेलेन्स्की यांचा खळबळजनक दावा; रशिया करतोय ‘त्या’ खतरनाक ऑपरेशनची तयारी..!
- Russia Ukraine War : रशियामुळे ‘या’ देशात लवकरच होणार अंधार; पहा, रशियाचा काय आहे नवा प्लान ?
- China : श्रीलंकेनंतर आता ‘हा’ देश फसतोय चीनच्या जाळ्यात; पहा, चीनने काय केला कारनामा..
- Vladimir Putin: अर्र.. तर आम्ही उत्तर देऊ ‘त्या’ प्रकरणात व्लादिमीर पुतिनने पुन्हा दिली धमकी
