केंद्रानंतर राजस्थान-केरळने केली दर कपात; महाराष्ट्रात कधी होणार..? ; जाणून घ्या..

दिल्ली – केंद्र सरकारने उत्पादन शुल्कात (Excise Duty) कपात केल्यानंतर राजस्थान सरकारने शनिवारी पेट्रोलवरील मूल्यवर्धित कर (VAT) 2.48 रुपये प्रति लिटर आणि डिझेलवर 1.16 रुपयांनी कमी केला. राज्याचे मुख्यमंत्री अशोक गेहलोत (Ashok Gehlot) यांनी ट्विटरवर लिहिले की, “केंद्र सरकारने पेट्रोल आणि डिझेलच्या किमती कमी केल्यामुळे, राज्य सरकार पेट्रोलवरील व्हॅट 2.48 रुपये प्रति लिटर आणि डिझेलवर 1.16 रुपये प्रति लिटरने कमी करणार आहे. यामुळे राज्यात पेट्रोल 10.48 रुपये तर डिझेल 7.16 रुपये प्रति लिटर स्वस्त होणार आहे. याआधी केरळ सरकारने (Kerala) पेट्रोलमध्ये 2.41 रुपये तर डिझेलच्या दरात 1.36 रुपयांची कपात करण्याची घोषणा केली होती.

इंधन उत्पादनांच्या सतत वाढणाऱ्या किमतींमुळे सर्वसामान्य नागरिक हैराण झाले होते. त्यामुळे सरकारने शनिवारी पेट्रोल आणि डिझेलवरील उत्पादन शुल्कात अनुक्रमे 8 आणि 6 रुपयांनी कपात करण्याची घोषणा केली. उत्पादन शुल्कात या कपातीमुळे पेट्रोल 9.5 रुपयांनी स्वस्त होईल, तर डिझेल 7 रुपयांनी स्वस्त होईल. उत्पादन शुल्काच्या दराने आकारण्यात येणाऱ्या इतर करांमध्ये कपात केल्यामुळे हे होईल.

सध्याच्या 105.41 रुपये प्रति लीटरच्या तुलनेत शुल्क कपात प्रभावी झाल्यानंतर दिल्लीत पेट्रोलचा दर रविवारपासून 95.91 रुपये प्रति लिटरवर पोहोचला आहे. त्याच वेळी, डिझेल 89.67 रुपये प्रति लिटरने विकले जाऊ लागले जे 96.67 रुपये प्रति लिटरने उपलब्ध होते. याबरोबरच सरकारने घरांमध्ये वापरल्या जाणाऱ्या एलपीजी सिलिंडरवर 200 रुपये प्रति सिलिंडर सबसिडी देण्याची घोषणा केली आहे. प्रधानमंत्री उज्ज्वला योजनेच्या लाभार्थ्यांना वर्षभरात 12 गॅस सिलिंडरवर हे अनुदान दिले जाईल.

सबसिडी मिळाल्यानंतर राष्ट्रीय राजधानीत 14.2 किलो एलपीजी सिलिंडरची किंमत 803 रुपयांपर्यंत खाली येईल. सध्या दिल्लीत एक एलपीजी सिलिंडर 1,003 रुपयांना उपलब्ध आहे. ही सबसिडी लाभार्थ्यांना त्यांच्या बँक खात्यात पाठवली जाईल जेणेकरून सिलिंडरची प्रभावी किंमत सामान्य सिलिंडरपेक्षा 200 रुपये कमी असेल.

पेट्रोल- डिझेलवर केंद्र सरकारचा मोठा निर्णय; ग्राहकांना दिलासा; जाणून घ्या किती कमी झाले दर

इंधन दरवाढ कमी करण्यासाठी पीएम मोदींनी ‘त्या’ राज्यांना केले आवाहन.. जाणून घ्या, महत्वाची माहिती..