मुंबई : मलिल्काकर्जुन खरगे सोमवारी अहमदाबादमधील बेहरामपुरा येथे एका सभेला संबोधित करत होते. यावेळी त्यांनी पंतप्रधान नरेंद्र मोदी तसेच भाजपावर सडकून टीका केली. यावेळी खरगे यांनी मोदी यांची रावणाशी तुलना केली आहे. “भाजपा सगळीकडे नरेंद्र मोदी यांच्या प्रतिमेचा वापर करते. स्थानिक स्वराज्य संस्था, लोकसभा, विधानसभेच्या निवडणुकामध्ये मोदींच्या प्रतिमेचा वापर केला जातो. आम्ही तुमचा चेहरा कितीवेळा पाहावा. मोदी १०० डोकी असलेले रावण आहेत का?” असे खरगे म्हणाले. पंतप्रधान नरेंद्र मोदी यांची तुलना रावणाशी केल्याने भाजपा नेते काँग्रेसविरोधात आक्रमक झाले आहेत. खरगेंच्या या वक्तव्यावर विविध प्रतिक्रिया उमटत आहेत, शिवाय भाजपाकडून प्रत्युत्तरही दिलं जात आहे. केंद्रीयमंत्री नारायण राणे यांनीही खरगे यांना प्रत्युत्तर दिलं आहे.
नारायण राणे म्हणाले, “आता या देशात रावणाची भूमिका कोणी केली? आता भारत जोडो आठवला, पण एवढ्या वर्षात भारत का जोडला नाही? पंतप्रधान मोदी म्हणत आहेत की आम्ही आर्थिक बाबतीत भारत तिसऱ्या क्रमांकावर आणणार, आत्मनिर्भर भारत बनवणार. तुम्ही आत्मनिर्भर बनवला असता, तुमच्या पक्षाने जर महासत्तेकडे वाटचाल केली असती तर बोलायची गरज नाही. आता ही वाताहाता आणि एवढं जोडोसाठी फिरावं लागलं नसतं. काय झालं जोडून?”गुजरात विधानसभेच्या पहिल्या टप्प्यातील मतदानाला केवळ दोन दिवस बाकी आहेत. असे असताना येथे भाजपा, आप पक्षांकडून जोमात प्रचार केला जात आहे. तर काँग्रेसचे नेतेदेखील तेवढ्याच क्षमतेने निवडणुकीच्या मैदानात उतरले आहेत.दरम्यान, एकीकडे सर्वच पक्ष प्रचारात गुंतलेले असताना काँग्रेसचे अध्यक्ष मल्लिकार्जुन खरगे यांनी केलेले विधान वादाचा विषय ठरत आहे. येथे एका सभेला संबोधित करताना खरगे यांनी पंतप्रधान नरेंद्र मोदी यांची रावणाशी तुलना केली आहे. याच कारणामुळे भाजपानेही काँग्रेसविरोधात आक्रमक पवित्रा धारण केला आहे.
must read
