मुंबई: पंतप्रधान नरेंद्र मोदी यांनी गेल्या महिन्यातच ‘पीएम किसान सन्मान निधी‘चा 12वा हप्ता जारी केला होता. यासाठी केंद्र सरकारने 16 हजार कोटी रुपये खर्च केले. यावेळी सुमारे 8 कोटी शेतकऱ्यांच्या खात्यात 2000-2000 रुपये वर्ग करण्यात आले. त्याचवेळी, आता शेतकरी पीएम किसानच्या 13व्या हप्त्याची प्रतीक्षा करू लागले आहेत. मात्र यावेळी अनेक शेतकऱ्यांना तेराव्या हप्त्याचा लाभ घेता येणार नाही. सरकारने ‘पीएम किसान सन्मान निधी’च्या नियमांमध्ये काही बदल केले आहेत, जेणेकरून बनावट लोकांना या योजनेचा लाभ घेता येणार नाही.
माहितीनुसार, पीएम किसानमधील अनियमिततेची अनेक प्रकरणे समोर आल्यानंतर केंद्र सरकारने हा निर्णय घेतला आहे, जेणेकरून भविष्यात हेराफेरी थांबवता येईल. आता पीएम किसानचा लाभ घेणाऱ्या शेतकऱ्यांना आधी त्यांच्या जमिनीच्या कागदपत्रांची पडताळणी करावी लागणार आहे. तसेच, या प्रकरणात लाभार्थी शेतकऱ्यांना त्यांच्या जमिनीच्या नोंदींची पडताळणी करावी लागेल. त्यांनी असे न केल्यास ते पीएम किसान सन्मान निधीच्या 13व्या हप्त्यापासून वंचित राहतील.
आधार कार्ड देखील बँक खात्याशी लिंक करणे आवश्यक
फक्त शिधापत्रिकेची प्रत जमा न केल्याने तुम्हाला पीएम किसान सन्मान निधी मिळणार नाही. तुम्हाला 13व्या हप्त्यापासून वंचित राहायचे असल्यास, पीएम किसान योजनेच्या अधिकृत वेबसाइट https://pmkisan.gov.in वर पीडीएफ स्वरूपात तुमच्या रेशन कार्डची सॉफ्ट कॉपी अपलोड करा. यासोबतच 2000 रुपयांची रक्कम मिळविण्यासाठी लाभार्थी शेतकऱ्यांना त्यांचे आधार कार्ड त्यांच्या बँक खात्याशी लिंक करावे लागेल.
सर्व प्रक्रिया नियमानुसार पूर्ण करणे आवश्यक
पीएम किसान सन्मान निधीचा 13 वा हप्ता जानेवारी महिन्यात जारी केला जाऊ शकतो, कारण 2021 मध्येच पीएम किसान सन्मान निधी शेतकऱ्यांच्या खात्यात हस्तांतरित करण्यात आला होता. अशा परिस्थितीत पात्र शेतकऱ्यांना किसान सन्मान निधी मिळविण्यासाठी अधिकृत वेबसाइट https://pmkisan.gov.in वर नवीन नियमांनुसार सर्व प्रक्रिया पूर्ण कराव्या लागतील.
बनावट शेतकऱ्यांची ओळख पटली
केंद्र सरकारने 11 व्या हप्त्यासाठी 21 हजार कोटी रुपये जारी केले होते. त्यानंतर 10 कोटी शेतकऱ्यांच्या खात्यात पैसे जमा झाले. दुसरीकडे, ई-केवायसी अनिवार्य केल्यावर, बनावट शेतकऱ्यांची संख्या लक्षणीयरीत्या कमी झाली. एकट्या उत्तर प्रदेशमध्ये 21 लाख बनावट शेतकऱ्यांची नावे काढून टाकण्यात आली. त्याचप्रमाणे झारखंड आणि बिहारमध्येही अनेक बनावट शेतकरी सापडले आहेत.
- हेही वाचा:
- ‘या’ पिकाच्या भावात मोठी घसरण; खर्चही वसूल करू न शकल्याने शेतकरी झाला हताश
- IND VS NZ 2022: न्यूझीलंडमध्ये रंगणार T20 आणि एकदिवसीय मालिका; पहा संपूर्ण सामन्यांचे वेळापत्रक
