IND vs Pak : भारत आणि पाकिस्तान (IND vs Pak) यांच्यातील बिघडलेल्या राजकीय वातावरणाचा फटका क्रिकेटला बसत आहे. आशिया चषकाबाबत दोन्ही देशांमध्ये आधीच वाद सुरू आहे आणि आता 50 ओव्हर्सच्या विश्वचषकाबाबत आलेल्या बातम्यांमुळे क्रिकेट चाहत्यांची निराशा झाली आहे.
खरं तर, ईएसपीएन क्रिकइन्फोच्या अहवालानुसार, पाकिस्तान संघ या वर्षाच्या अखेरीस होणार्‍या वनडे विश्वचषक 2023 मध्ये खेळण्यासाठी भारतात येणार नाही. भारताऐवजी बांगलादेश या दोन्ही देशांमधील सामन्यांचे यजमानपद भूषवणार आहे. एवढेच नाही तर भारत आणि पाकिस्तानचे संघ या स्पर्धेच्या अंतिम फेरीत पोहोचण्यात यशस्वी ठरले तर विजेतेपदाचा सामनाही भारतात होणार नाही.
बातमीनुसार, आयसीसी अजूनही या योजनेवर विचार करत आहे. या योजनेवर सहमती झाली तर 2023 च्या विश्वचषकासोबतच आशिया चषकही अशाच पद्धतीने आयोजित करता येईल. विशेष म्हणजे BCCI सचिव जय शाह यांनी स्पष्ट केले होते की, भारतीय संघ आशिया कप 2023 मध्ये सहभागी होण्यासाठी पाकिस्तानला जाणार नाही.
जय शहा यांनी पाकिस्तानात जाण्यास नकार दिला
शाह यांचे हे विधान पाकिस्तान क्रिकेट बोर्डाला पटले नाही आणि त्यांनी सांगितले की जर टीम इंडिया आशिया चषक खेळण्यासाठी पाकिस्तानात आली नाही तर पाकिस्तानचा संघ विश्वचषक स्पर्धेत भाग घेण्यासाठी भारतात जाणार नाही. पाकिस्तानला आशिया कप 2023 चे यजमानपद द्यायचे आहे, जे विश्वचषकापूर्वी आयोजित केले जाणार आहे. वृत्तांवर विश्वास ठेवला तर भारतीय संघ आशिया कप स्पर्धेतील सामने पाकिस्तानबाहेर खेळू शकतो.
पाकिस्तानचा संघ शेवटचा T20 विश्वचषक खेळण्यासाठी 2016 मध्ये भारतात आला होता. जिथे ग्रुप स्टेज मॅचमध्ये दोन्ही देशांमध्ये टक्कर झाली होती. भारत आणि पाकिस्तान यांच्यातील शेवटचा सामना गेल्या वर्षी टी-२० विश्वचषकात झाला होता. ज्याने प्रेक्षकसंख्येचे सर्व रेकॉर्ड तोडले. अत्यंत रोमांचक सामन्यात विराट कोहलीच्या संस्मरणीय खेळीच्या जोरावर टीम इंडियाने पाकिस्तानचा चार गडी राखून पराभव केला होता.
