Pakistan Financial Crisis : आर्थिक संकटातून जात असलेल्या पाकिस्तानची परिस्थिती दिवसेंदिवस बिकट (Pakistan Financial Crisis) होत चालली आहे. या महिन्यात, जागतिक रेटिंग एजन्सी मूडीजने पाकिस्तानचे क्रेडिट रेटिंग कमी केले होते आणि इशारा दिला होता की अधिक कर्ज मिळविण्यात अडचणी येऊ शकतात. दरम्यान, चीनने (China) पुन्हा एकदा पाकिस्तानला मदतीचा (Pakistan) हात पुढे केला आहे. चीनने 2 अब्ज डॉलर्सच्या कर्जाची परतफेड करण्याची मुदत एका वर्षाने वाढवली आहे. त्याची मुदत मार्चमध्ये संपत होती.
पाकिस्तानी वृत्तवाहिनी जिओ न्यूजने पाकिस्तानच्या अर्थ मंत्रालयातील सूत्रांच्या हवाल्याने सांगितले की, चीन आणि पाकिस्तानमध्ये याबाबत चर्चा झाली आहे. रोखीच्या कमतरतेचा सामना करणाऱ्या पाकिस्तानची आर्थिक स्थिती दिवसेंदिवस बिकट होत चालली आहे. यामुळे गेल्या वर्षी जूनमध्ये आंतरराष्ट्रीय नाणेनिधीकडून 3 अब्ज डॉलर्सचे कर्ज घेतले होते, ज्याची मुदतही मार्चमध्ये संपत आहे. पाकिस्तानचे क्रेडिट रेटिंग कमी करताना मुडीजने म्हटले होते की, पाकिस्तानमध्ये सुरू असलेल्या राजकीय पेचप्रसंगामुळे देशातील परिस्थिती अशी झाली आहे की नवीन सरकारसाठी खूप आव्हानात्मक असेल.
Pakistan Financial Crisis
मूडीजने पाकिस्तानचे क्रेडिट रेटिंग CAA1 वरून CAA3 पर्यंत कमी केले आहे जे डीफॉल्टपेक्षा थोडेसे मागे आहे. पाकिस्तानला नऊ महिन्यांसाठी IMF कडून 3 अब्ज डॉलर्सचे कर्ज मिळाले होते, परंतु वर्षाच्या सुरुवातीला पुन्हा कर्जाची गरज भासू लागली. दुसरीकडे पाकिस्तानवर 125 अब्ज डॉलर्सचे कर्ज आहे ज्याची परतफेड करण्यासाठी पाकिस्तानला इतर देशांकडे मदत मागणे भाग पडले आहे. ही परिस्थिती पाहता IMF कडून कर्ज घेण्यास अडचणी येऊ शकतात असे मूडीजने म्हटले आहे.
Pakistan Financial Crisis
पाकिस्तानचे माजी पंतप्रधान नवाज शरीफ (Nawaz Sharif) यांनी बुधवारी सांगितले की त्यांच्या पक्षाच्या नेतृत्वाखालील आगामी सरकारचे प्राधान्य खराब अर्थव्यवस्थेला आधार देणे आणि त्यात सुधारणा करणे असेल कारण रोखीने त्रस्त असलेल्या देशाच्या सर्व समस्या आर्थिक संकटाशी संबंधित आहेत. नवाज शरीफ 8 फेब्रुवारीच्या निवडणुकीनंतर पहिल्यांदाच संसद भवनात पोहोचले होते. पत्रकारांना म्हणाले, ‘सरकार अर्थव्यवस्था सुरळीत करण्याचा प्रयत्न करेल, त्यामुळे सर्व काही ठीक होईल.’
एका आश्चर्यकारक निर्णयात नवाज शरीफ यांनी त्यांचे धाकटे भाऊ शहबाज शरीफ यांना आघाडी सरकारचे पंतप्रधान म्हणून नामनिर्देशित केले. ते म्हणाले की नॅशनल असेंब्ली, सिनेट आणि पंतप्रधानांनी त्यांचा घटनात्मक कार्यकाळ पूर्ण करावा अशी त्यांची इच्छा आहे.
