Pakistan Cricket : पाकिस्तानी क्रिकेटमध्ये (Pakistan Cricket) खेळाडूंमधील वाद नवीन नाहीत. या संघातील आजी माजी खेळाडू कायमच वाद घालत असतात. आताही असाच प्रकार समोर आला आहे. रावळपिंडी एक्सप्रेस नावाने ओळखला जाणारा माजी वेगवान गोलंदाज शोएब अख्तरने (Shoaib Akhtar) पाकिस्तान संघाचा कॅप्टन बाबर आझमला (Babar Azam) फटकारले आहे. अख्तर म्हणाला, की बाबर आझम हा काही मोठा ब्रँड नाही. कारण त्याला साधे इंग्रजी सुद्धा बोलता येत नाही. क्रिकेट खेळणे एक गोष्ट आहे आणि मीडिया हाताळणे दुसरी गोष्ट आहे. बाबर आझम बोलू शकणार नाही, तो व्यक्तही होऊ शकणार नाहीत. एका पाकिस्तानी न्यूज चॅनेलवर झालेल्या संभाषणात अख्तरने पाकिस्तानी खेळाडूंच्या संवाद शैलीबद्दल सांगितले, ज्यामध्ये बाबर आझमचे नाव होते.
आंतरराष्‍ट्रीय क्रिकेटमध्ये सर्वात वेगवान चेंडू टाकण्‍याचा विक्रम करणारा अख्तर म्हणाला, की पाकिस्तानी संघातील खेळाडूंमध्ये बोलण्याचीही काही पद्धत नाही. जेव्हा ते मोठ्या स्टेजवर येतात तेव्हा अगदीच वाईट वाटते. इंग्रजी शिकणे आणि बोलणे किती कठीण आहे हे यावरून लक्षात येते. क्रिकेट ही एक गोष्ट आहे आणि मीडिया हाताळणे ही दुसरी गोष्ट आहे. जर तुम्ही बोलू शकत नसाल तर मला माफ करा, पण तुम्ही टीव्हीवर कधीही व्यक्त होऊ शकणार नाही.
- Gold Investment साठी ‘हे’ आहेत खास पर्याय; काळजी नको, मिळेल चांगला नफा
- IPL 2023 : सर्वाधिक षटकार ठोकणारा फलंदाज कोण ? ; रोहित शर्मा नाही तर..
- IND vs PAK : क्रिकेट चाहत्यांची घोर निराशा; पाकिस्तान संघाने घेतला ‘हा’ निर्णय
- PM-SHRI Scheme : शाळा होणार मॉडेल; ‘त्यासाठी’ मोदी सरकारने 9 हजार शाळा केल्या सिलेक्ट
- PF Balance : कंपनी तुमच्या खात्यात पीएफचे पैसे टाकते का ? ; ‘या’ सोप्या पद्धतींनी मिळवा माहिती
मी उघडपणे सांगू इच्छितो की बाबर आझम हा पाकिस्तानमधील सर्वात मोठा ब्रँड असावा, पण तो का बनू शकला नाही ? कारण त्याला इंग्रजी बोलता येत नाही. अख्तरच्या म्हणण्यानुसार माजी गोलंदाज वसीम अक्रम आणि शाहिद आफ्रिदी यांना त्यांच्या संवाद शैलीमुळे जाहिरात जगतात सध्याच्या क्रिकेटपटूंपेक्षा जास्त पसंती मिळत आहे.’इतर क्रिकेटर आहे का जो इंग्रजी चांगले बोलू शकतो ? शाहिद आफ्रिदी आणि वसीम अक्रमलाच सगळ्या जाहिराती का मिळतात ? याचे कारण आम्ही ते जबाबदारी म्हणून घेतो.
बाबर आझमला त्याच्या इंग्रजीमुळे टीकेला सामोरे जावे लागण्याची ही पहिलीच वेळ नाही. 2020 मध्ये पत्रकार परिषदे दरम्यान बाबर आझमला इंग्रजी शैलीबद्दल विचारण्यात आले, ज्यावर त्याने उत्तर दिले की तो संवाद शैली सुधारण्यासाठी काम करत आहेत. बाबर आझम म्हणाला होता, ‘मी क्रिकेटर आहे. माझे काम क्रिकेट खेळणे आहे. बिनधास्त इंग्रजी बोलणारा मी नाही. होय, मी त्यावर काम करत आहे, परंतु तुम्ही या गोष्टी लवकरात लवकर शिकू शकाल. तुम्ही ते अचानक शिकू शकत नाही.’
