Onion Price : अहमदनगर : सध्या बाजार समितीत कांद्याला बऱ्यापैकी भाव मिळत आहेत. नगर जिल्ह्यातील (Ahmednagar District) बाजार समित्यांचा विचार केला तर येथे कांद्याला मिळणाऱ्या भावात (Onion Price) आता वाढ झाली आहे. सध्या बाजार समितीत (Market Committee) कांद्याची आवक कमी जास्त होत आहे. गुरुवारी (3 नोव्हेंबर) मात्र आवक वाढली होती. तरी देखील कांदा दरात फरक पडला नाही. गुरुवारी समितीत तब्बल 52 हजार 434 क्विंटल आवक झाली होती. यावेळी झालेल्या लिलावात प्रथम प्रतवारीच्या कांद्याला सरासरी 2600 ते 3400 रुपये भाव मिळाला.
नगर जवळील नेप्ती उपबाजार समितीत गुरुवारी 52 हजार 434 क्विंटल कांद्याची आवक झाली होती. दिवाळी सणामुळे (Diwali 2022) बाजार समितीतील लिलाव बंद होते. त्यामुळे कांदा आवक वाढेल असा अंदाज होता. तसेच घडले आवक 50 हजार क्विंटलच्या पुढे होती. लिलावात प्रथम प्रतवारीच्या कांद्याला 2600 ते 3400 रुपये, दोन नंबर कांद्याला 1800 ते 2600 रुपये, तीन नंबर कांद्याला 1200 ते 1800 रुपये आणि चार नंबर कांद्याला 500 ते 1200 रूपये बाजारभाव मिळाला. मागील काही दिवसांपासून कांद्याला याच पद्धतीने भाव मिळत आहेत. सध्या कांद्याची आवक वाढली आहे. तरी देखील भाव कमी झालेले नाहीत. कांद्याला मागणी वाढली आहे. जिल्ह्यातील अन्य बाजार समित्यांमध्येही याच पद्धतीने भाव मिळत आहेत.
याआधी मंगळवारी लिलाव सुरू झाले त्यावेळी कांद्याला कमी भाव मिळत असल्याचे पाहून संतप्त शेतकऱ्यांनी लिलाव बंद पाडले. आंदोलनही केले. त्यानंतर मात्र समाधानकारक भाव मिळाल्यानंतर आंदोलन मागे घेण्यात आले. त्यानंतर गुरुवारी काय भाव मिळतील याबाबत उत्सुकता होती. यावेळी मात्र आवक वाढलेली असतानाही समाधानकारक भाव मिळाले.
- हे सुद्धा वाचा : Onion Price : शेतकऱ्यांना दिलासा..! ‘या’ जिल्ह्यात कांद्याच्या भावात मोठी वाढ; जाणून घ्या, डिटेल..
- The price of onion has increased: अरेव्वा….शेतकरी काहीसा सुखावला; ‘या’ पिकामुळे नुकसान भरून निघण्याची आशा
