Onion Price : मंगळवारपासून सरकारकडून महाराष्ट्र आणि मध्य प्रदेशातील बफर स्टॉकसाठी 2,410 रुपये प्रति क्विंटल दराने कांदा खरेदी (Onion Price) सुरू करण्यात आली. सणासुदीच्या काळात वाढत्या किमतीपासून जनतेला दिलासा देण्यासाठी आणि कांद्याच्या निर्यातीवरील बंदीमुळे शेतकऱ्यांचे हित जपण्यासाठी सरकारने हे पाऊल उचलल्याचे सांगण्यात येत आहे.
या निर्णयानुसार सरकार 2410 रुपये प्रति क्विंटल या दराने दोन लाख मेट्रिक टन कांदा खरेदी करणा आहे. मात्र, या निर्णयावरही राज्यातील विरोधक मोदी सरकारवर तुटून पडले आहेत. केंद्र सरकारने कमीत कमी चार हजार रुपये प्रति क्विंटल दराने शेतकऱ्यांकडील कांदा खरेदी करावा, अशी मागणी केली जात आहे. निर्यात शुल्कच रद्द करण्याचीही मागणी केली जात आहे. मात्र सरकारने यापैकी कोणत्याच मागणीवर अजून तरी काहीच विचार केल्याचे दिसत नाही.
सरकारने 19 ऑगस्ट रोजी कांद्यावर बंदी घातली होती. 19 ऑगस्ट रोजी सरकारने कांद्याच्या निर्यातीवर 40 टक्के निर्यात शुल्क लावले होते. यामुळे देशांतर्गत बाजारपेठेत कांद्याची उपलब्धता वाढेल. मात्र, यामुळे शेतकरी हैराण झाले आहेत. देशांतर्गत बाजारात भाव खाली येण्याची शक्यता आहे.
सरकार दोन लाख मेट्रिक टन कांदा खरेदी करणार आहे. केंद्रीय वाणिज्य आणि ग्राहक व्यवहार मंत्री पीयूष गोयल यांनी माध्यमांना माहिती देताना सांगितले की, कांद्यावर निर्यात शुल्क लागू करताना सरकारने बफर स्टॉकसाठी अतिरिक्त दोन लाख टन कांदा खरेदी करण्याचा निर्णय घेतला आहे.
शेतकऱ्यांना चांगला भाव मिळेल
गोयल म्हणाले की, शेतकऱ्यांच्या हितांच्या रक्षणासाठी सरकारने हे पाऊल उचलले आहे. हे त्यांना चांगले बनवेल. नॅशनल कोऑपरेटिव्ह कंझ्युमर्स फेडरेशन ऑफ इंडिया लिमिटेड (NCCF) आणि नॅशनल अॅग्रिकल्चरल कोऑपरेटिव्ह मार्केटिंग फेडरेशन ऑफ इंडिया लिमिटेड (NAFED) मध्य प्रदेश आणि महाराष्ट्रातील शेतकऱ्यांकडून कांदा खरेदी करत आहेत. त्यासाठी 2 हजार 410 रुपये प्रतिक्विंटल भाव निश्चित करण्यात आला आहे.
ते पुढे म्हणाले की, गतवर्षीही कांद्याच्या दरात घसरण झाली होती. सरकारने कांद्याच्या बफर स्टॉकचे उद्दिष्ट २.५ लाख टनांवरून ३ लाख टन केले होते.
