अहमदाबाद – अहमदाबाद सायबर गुन्हे शाखेने AIMIM चे प्रवक्ते दानिश कुरेशी (Danish Qureshi) यांच्यावर गुजरातमध्ये (Gujarat) कारवाई केली आहे. वृत्तानुसार, दानिश कुरेशीने ज्ञानवापी मशिदीत (Gyanvapi Masjid) सापडलेल्या कथित शिवलिंगाबाबत (Shivling) सोशल मीडियावर (Social media) आक्षेपार्ह पोस्ट टाकली होती. विश्व हिंदू परिषदेच्या एका सदस्याने त्यांच्याविरोधात तक्रार दाखल केली होती.
त्यांच्या पोस्टमुळे हिंदूंच्या भावना दुखावल्या गेल्याचे कुरेशीविरोधातील तक्रारीत म्हटले आहे. दोन दिवसांपूर्वी ज्ञानवापी मशिदीतील सर्वेक्षणादरम्यान हिंदू पक्षाने दावा केला होता की वाळूखानामध्ये शिवलिंग आहे. यानंतर न्यायालयाने ती जागा सील करण्याचे आदेश दिले. मात्र, येथील लोकांना नमाज अदा करण्यापासून रोखण्यात आलेले नाही. सर्वेक्षणाचा अहवाल सादर करण्यासाठी आयोगाने दोन दिवसांची मुदत मागितली होती.
शिवलिंग मिळाल्याचा दावा मुस्लिम पक्ष फेटाळत आहे. ते म्हणतात की वाळूखानामध्ये सापडलेली रचना हे शिवलिंग नसून प्रत्येक मशिदीमध्ये बसवलेले कारंजे आहे. सोशल मीडियावर लोक या प्रकरणावर भरभरून कमेंट करत आहेत. यामध्ये काही लोक शिवलिंगाबाबत आक्षेपार्ह पोस्टही लिहित आहेत.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
बुधवारी ज्ञानवापी संदर्भात वाराणसी न्यायालयात दोन प्रकरणांची सुनावणी होणार होती, मात्र वकिलांच्या संपामुळे सुनावणी पुढे ढकलण्यात आली. आता नंदीसमोरील भिंतीचेही सर्वेक्षण करावे, अशी याचिका तीन महिलांनी दाखल केली आहे. न्यायालयाने पुढील सुनावणीची तारीख जाहीर केलेली नाही.
