Gujarat Election : नवी दिल्ली : बिहारचे मुख्यमंत्री आणि जनता दल युनायटेडचे नेते नितीश कुमार हे देखील गुजरात निवडणुकीत भारतीय जनता पक्षाच्या विरोधात प्रचार करण्याचे मन बनवत आहेत. बिहारमध्ये भाजपसोबत दीर्घकाळ सरकार चालवणारे नितीशकुमार आता आरजेडी-काँग्रेससोबत आहेत. 2024 च्या लोकसभा निवडणुकीपूर्वी बिहारबाहेर आपली उपस्थिती निर्माण करण्याच्या प्रयत्नात नितीश कुमार पंतप्रधान मोदींच्या गृहराज्यातही येणार आहेत.
बिहारमधील सत्ताधारी जेडीयूने सोमवारी सांगितले की, भारतीय आदिवासी पक्ष (बीटीपी) सोबत गुजरातमध्ये निवडणूक लढण्याची चर्चा सुरू आहे. जेडीयू आणि बीटीपी यांच्यातील युतीबाबत मी नितीश कुमार यांच्याशी बोललो आहे. “नितीश कुमार यांनी गुजरातची निवडणूक युतीत लढण्याचे मान्य केल्याचे भारतीय आदिवासी पक्षाचे नेते वसावा यांनी सांगितले. बीटीपी आणि जेडीयू हे जुने मित्र आहेत आणि म्हणूनच आम्ही निवडणूकपूर्व युती करण्याचा निर्णय घेतला आहे. आम्ही जेडीयूला मदत करू आणि ते आम्हाला मदत करतील. बिहारचे मुख्यमंत्री गुजरातमध्ये प्रचार करणार आहेत. विद्यमान भाजपला सत्तेबाहेर करणे हे आमचे ध्येय असल्याचे त्यांनी सांगितले.
आम्ही (जेडीयू) निवडणूक लढवू शकत नसलो तरी आमचे नेते नितीश कुमार गुजरात निवडणुकीत भाजपविरोधात प्रचार करतील, असे एका जेडीयू नेत्याने सांगितले. गुजरातमध्ये 1 आणि 5 डिसेंबर रोजी मतदान होत आहे. 2017 च्या विधानसभा निवडणुकीत बीटीपीने 6 जागांवर उमेदवार उभे केले होते आणि त्यांना 2 वर यश मिळाले होते. 2017 मध्ये जेव्हा नितीश यांनी पुन्हा भाजपसोबत युती करण्याची घोषणा केली तेव्हा वसावा यांनी जेडीयूचा राजीनामा दिला होता. आता नितीश पुन्हा एकदा भाजपपासून वेगळे झाले आहेत, त्यामुळे वसावा यांनी युतीची घोषणा केली आहे. जेडीयू गुजरात निवडणुकीत येत असल्याने याचा कोणाला फायदा होणार, हे पाहणे आता महत्वाचे ठरणार आहे.
- हे सुद्धा वाचा : Bihar : भाजपविरोधात राजकारण जोरात.. नितीश कुमार यांच्यासाठी ‘JDU’ चा प्लान तयार; जाणून घ्या..
- निवडणुकीआधीच काँग्रेसला मोठ्ठा झटका..! तब्बल ‘इतक्या’ नेत्यांनी केला भाजप प्रवेश; जाणून घ्या..
